پیپلز پارٹی کے چیئرمین بلاول بھٹو نے کہا ہے کہ عمران خان ہر بات پر یوٹرن لیتا ہے لیکن آج بھی آصف زرداری اپنے نظریات پر قائم ہیں اور وہ جھکنے کے لئے تیار نہیں۔

تفصیلات کے مطابق پیپلز پارٹی کے چیئرمین بلاول بھٹوزرداری نےآصف زرداری سے ملاقات کے بعد میڈیا سے بات چیت کرتے ہوئے کہا کہ سپریم کورٹ اب فیصلہ کرے کی گی کہ سندھ کے کیسز پنڈی میں چلائے جائیں یا نہیں اورانشاءاللہ اس بار انصاف ہوگا۔

پیپلز پارٹی کے چیئرمین بلاول بھٹو نے اپنے بیان میں کہا کہ اس وقت پاکستان کی عدلیہ کو پورا پاکستان دیکھ رہا ہے، عمران نیازی کی حکومت بھگوڑے اور غدار کو بچانے کی کوشش کررہی ہے۔

بلاول بھٹونے یہ بھی کہا کہ مولانافضل الرحمن نے مارچ میں انتخابات کے حوالے سے ہم سے بات نہیں کی، عمران خان اپنی سیاست کو بچانے کے لئے میاں نواز شریف کو باہر بھیجا۔

پیپلز پارٹی کے چیئرمین بلاول بھٹو نے مزید کہا کہ چیف جسٹس نے جو بات کی تھی امید ہے ایک آمر کے خلاف فیصلہ آجائے گا جبکہ کل اے پی سی اسلام آباد میں تفصیل سے بات ہوگی۔

دوسری جانب پیپلز پارٹی کے شریک صدر آصف علی زرداری نےاسپتال سے اپنے جیالوں کے نام پیغام دیا جس میں انہوں نے حکومت کے جانے کی بھی پیش گوئی کردی۔

پیپلزپارٹی کے صدر بلاول بھٹو زرداری کی اپنے والد آصف علی زرداری سے ملاقات ہوئی۔ ملاقات کے دوران سابق صدر آصف زرداری کی لیگل ٹیم فاروق ایچ نائیک اور لطیف کھوسہ بھی ملاقات میں شریک ہوئے۔

ملاقات میں آصف زرداری کے مقدمات پر مشاورت کی گئی جبکہ آصف علی زرداری نے پیپلزپارٹی کے جیالوں کے نام پیغام بھی بھیجا ہے جس میں انہوں نے موجودہ حکومت کے جانے کی پیش گوئی بھی کی ہے۔

پیغام میں سابق وزیر اعظم آصف علی زرداری کا کہنا تھا کہ صحت خراب ہے مگر حوصلے تو بلند ہیں، میں اپنی پارٹی کے ساتھ ڈٹ کر کھڑا ہوں اور کارکن بھی ڈٹےرہیں۔

ان کا مزید کہنا تھا کہ یہ طے ہے کہ حکومت کو جانا ہوگا اور پیپلز پارٹی ہی ملک کومشکل سےنکالےگی کیونکہ پیپلز پارٹی نےہی ہمیشہ ملک کو بحرانوں سے نکالا اب  بھی ہم ہی ملک کومشکل سےنکالیں گے۔