چیئرمین جوائنٹ چیفس آف اسٹاف کمیٹی کا اسلام آباد کا الوداعی دورہ

احمد منصور

07th Nov, 2019. 11:50 am
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

چیئرمین جوائنٹ چیفس آف اسٹاف کمیٹی کا اسلام آباد کا الوداعی دورہ

چیئرمین جوائنٹ چیفس آف اسٹاف کمیٹی جنرل زبیر محمود حیات نے نیول ہیڈ کوارٹرز اسلام آباد کا الوداعی دورہ کیا۔

ترجمان پاک بحریہ کے مطابق نیول ہیڈکوارٹرز اسلام آباد آمد پر پاک بحریہ کے سربراہ ایڈمرل ظفر محمود عباسی نے جنرل زبیر محمود حیات کا استقبال کیا۔

پاک بحریہ کے چاق و چوبند دستے نے چیئرمین جوائنٹ چیفس آف اسٹاف کمیٹی جنرل زبیر محمود حیات کوگارڈ آ ف آنر پیش کیا۔

چیئرمین جوائنٹ چیفس آف اسٹاف کمیٹی نے پاک بحریہ کے سربراہ ایڈمرل ظفر محمود عباسی سے الوداعی ملاقات کی۔ نیول چیف نے مسلح افواج کے باہمی تعاون کو مضبوط بنانے میں جنرل زبیر محمود حیات کی غیر معمولی خدمات کو سراہا۔

ترجمان پاک بحریہ نے بتایا کہ چیئرمین جوائنٹ چیفس آف اسٹاف کمیٹی نے پاک بحریہ کی صلاحیتوں میں اضافے کے لیے ایڈمرل ظفر محمود عباسی کی کاوشوں کی تعریف کی۔

بعدازاں چیئرمین جوائنٹ چیفس آف اسٹاف کمیٹی نے پاک بحریہ کے پرنسپل اسٹاف آفیسران سے بھی الوداعی ملاقات کی۔