وفاقی وزیر ترقی و منصوبہ بندی اسد عمر  نے سماجی رابطے کی ویب سائٹ ٹوئٹر پر اپنے خیالات کا اظہار کرتے ہوئے کہا  کہ وزیر اعظم نے 65 سال سے زیادہ عمر کے قیدیوں کو رہا کرنے کا فیصلہ کیا ہے۔

وزیراعظم کا فیصلہ کے 65 سال سے زیادہ عمر کے غریب قیدی جو بیمار ہیں اور کسی گھناؤنے جرم کے مرتکب نہیں، ان کو رہا کرنے کی پالیسی بنائی جائے، ایک اور قدم ہے ایک ایسے پاکستان کی طرف جس میں حکومت کی اولین ترجیح ملک کا کمزور طبقہ ہے نا کے طاقتور اور دولتمند

— Asad Umar (@Asad_Umar) November 21, 2019

وفاقی وزیر اسد عمر نے  ٹوئٹر پر اپنے پیغام میں کہا کہ وزیراعظم کا فیصلہ  ہے کہ 65 سال سے زیادہ عمر کے غریب قیدی جو بیمار ہیں اور کسی گھناؤنے جرم کے مرتکب نہیں، ان کو رہا کرنے کی پالیسی بنائی جائے۔

 یہ ایک اور قدم ہے ایک ایسے پاکستان کی طرف جس میں حکومت کی اولین ترجیح ملک کا کمزور طبقہ، ہے ناں کہ طاقتور اور دولتمند طبقہ۔

یاد رہے کہ اس سے قبل  پاکستان تحریک انصاف کے رکن سندھ اسمبلی ارسلان تاج نے بھی صدر مملکت سے ملک بھر کی جیلوں میں قید بیمار قیدیوں کی  سزا معاف کرنے کی درخواست کی ہے۔جس میں واضح کیا گیا کہ ایک مجرم ملک سے باہر جاسکتا ہے تو باقی غریبوں کو بھی معاف کیا جائے اور پاکستانی جیلوں میں قید بیمار مریضوں کی سزا معاف کی جائے

واضح رہے کہ دو روز قبل   وفاقی کابینہ کے اجلاس کے بعد  میڈیا سے گفتگو کرتے ہوئے وزیر برائے اطلاعات و نشریات معاون ڈاکٹر فردوس عاشق اعوان، اور وزیر قانون و انصاف فروگ نسیم نے کہا کہ وزیر اعظم عمران خان کی تجویز پر، چھوٹے چھوٹے جرائم میں ملوث 65 سالہ قیدیوں اور نوعمر بچوں کو جو بیمار قیدی بھی ہیں جن کا علاج جیلوں میں یقینی نہیں بنایا جاسکتا۔ انہیں  ریلیف دینے کے لئے اصولی منظوری دے دی۔