ترجمان دفتر خارجہ ڈاکٹر محمد فیصل نے کہا ہے کہ پاکستان افریقہ کے ساتھ بہتر معاشی سیاسی تعلقات چاہتا ہے۔

تفصیلات کے مطابق ترجمان دفتر خارجہ ڈاکٹر محمد فیصل نے میڈیا بریفنگ دیتے ہوئے کہا کہ  افریقی ممالک میں پاکستان کے پاس تمام شعبوں میں سرمایہ کاری کے مواقع ہیں اور پاکستان ان مواقعوں سے بھرپور فائدہ اٹھائے گا۔

ڈاکٹر محمد فیصل نے کہا کہ 27 اور 28 نومبر کو افریقی ممالک کے سفرا کی کانفرنس ہو رہی ہے، کانفرنس کا مقصد افریقی ممالک سے ساتھ تمام شعبوں میں تعاون کا روڈ میپ تیار کرنا ہے۔

ترجمان دفتر خارجہ ڈاکٹر محمد فیصل نے مزید کہا کہ سفرا کانفرنس میں کل صدر ممکت شرکت کریں گے جبکہ اختامی سیشن میں وزیر اعظم شریک ہونگے۔

واضح رہے اس سے قبل دفترخارجہ کےترجمان ڈاکٹرمحمد فیصل نے اپنے ایک بیان میں کہا تھا کہ ہم اسرائیل کوتسلیم کرنے کے لیے قطعاً کچھ نہیں کررہے بلکہ فلسطینیوں کے ساتھ کھڑے ہیں۔

دفترخارجہ کا کہنا تھا کہ مقبوضہ کشمیر میں استصواب رائے کے بعد ہی لائن آف کنٹرول ختم ہوگی، ہندوستان سے ہمیں خیر کی توقع کوئی نہیں ہے۔

ترجمان دفترخارجہ ڈاکٹر محمد فیصل نے کہاکہ کرتارپورراہداری میں پہلے روز 12 ہزاریاتریوں نےدورہ کیا، ہماری طرف سےمعاہدےکے مطابق 5ہزاریاتری نانک نام لیوا آکریاترا کے بعد واپس جاسکتے ہیں۔

ترجمان کے مطابق کرتارپورراہداری سے آنے والے بابا صاحب کے ہاں سلام کے بعد واپس لوٹ جائیں گے،ہم اس معاہدے کوعزت دینا چاہ رہے ہیں۔

ترجمان نے واضح کیا کہ کلبھوشن جادیو کے معاملے پرکوئی ڈیل نہیں ہو رہی ہم آرٹیکل 370کو مکمل طور پرمسترد کرچکے ہیں، ہمارے سفارت خانےاس معاملے پران تھک کوششیں کررہے ہیں۔

دفترخارجہ کے ترجمان کا مزید کہنا تھا کہ ہندوستان کی جانب سے غیرملکیوں کو ایک دورہ کرانے کی کوشش کی گئی جوکہ بیک فائرکر گئی۔ بین الاقوامی اخبارات ومیڈیا میں مقبوضہ کشمیرپر ان گنت تحریریں لکھی گئیں ہیں۔