ڈی جی آئی ایس پی آر میجر آصف غفور نے کہا ہے کہ آرمی چیف جنرل قمرجاوید باجوہ ایرانی مسلح افواج کے چیف آف اسٹاف سے ملاقات کے لئے تہران پہنچ گئے۔

 تفصیلات کے مطابق ڈی جی آئی ایس پی آر میجر آصف غفور نے سماجی رابطے کی ویب سائٹ ٹویٹر پر اپنے ایک ٹویٹ میں کہا کہ تہران کے دورے میں آرمی چیف جنرل قمرجاوید باجوہ نے ایرانی مسلح افواج کے چیف آف اسٹاف میجر جنرل محمد حسین سے ملاقات کی۔

COAS arrived Tehran, Iran on official visit. COAS met Major General Mohammad Hossein, Chief of Staff Iranian Armed Forces. Both discussed regional security environment, efforts for regional peace & stability and Pak-Iran Border Security Mechanism. pic.twitter.com/0kVl45CaJf

— DG ISPR (@OfficialDGISPR) November 18, 2019

اپنے پیغام میں میجر آصف غفور کا کہنا تھا کہ ملاقات میں علاقائی سیکیورٹی اور سلامتی کے ماحول پر بات چیت کی گئی جبکہ علاقائی امن و استحکام کے لئے کوششوں اور پاک ایران بارڈر سیکیورٹی میکانزم پربھی تبادلہ خیال کیا۔

دوسری جانب آرمی چیف جنرل قمر جاوید باجوہ سے ترکی کی مسلح افواج کے سربراہ جنرل یاسر گلر کی ملاقات ہوئی تھی۔

شعبہ ابلاغ عامہ (آئی ایس پی آر) کے مطابق دونوں فریقوں کے درمیان علاقائی سلامتی کی صورتحال سمیت پاک ترک دفاعی تعاون میں فروغ سے متعلق امور پر بات چیت ہوئی جبکہ جنرل یاسر گلر نے خطے میں امن و استحکام کے لیئے پاک فوج کے کردار کو سراہا گیا ہے۔

ملاقات میں پاک ایران بارڈر سیکیورٹی میکنزم پر بھی بات چیت کی گئی تھی۔

واضح رہے اس سے قبل ایک بیان میں ڈی جی آئی ایس پی آر میجر جنرل آصف غفور نے کہا تھا کہ وزیراعظم عمران خان اور آرمی چیف رابطے میں ہیں کچھ ملاقاتیں رپورٹ ہوتی ہیں اور کچھ نہیں ہوتیں لیکن جب بھی ضرورت پڑتی ہےتو ملاقات ضرور ہوتی ہے۔

ڈی جی آئی ایس پی آر میجر جنرل آصف غفور نے یہ بھی کہا تھا کہ حکومت اور فوج کے درمیان کوئی اختلاف نہیں ہے، وزیراعظم اور آرمی چیف ایک پیج پر ہیں۔ دونوں رابطے میں ہیں۔

ڈی جی آئی ایس پی آر نے مزید کہا تھا کہ ملکی ترقی کیلئے ضروری ہےدونوں رابطے میں رہیں اور حکومت سے ریاستی امور پر دورائے نہیں ہے۔