ن لیگ اسٹینڈنگ کمیٹیوں سے مستعفیٰ

عروبہ خان

13th Nov, 2019. 08:04 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

ن لیگ اسٹینڈنگ کمیٹیوں سے مستعفیٰ

ن لیگ نے پنجاب اسمبلی کی اسٹینڈنگ کمیٹیوں سے استعفے دینے کا فیصلہ کرلیا ہے۔

تفصیلات کے مطابق ن لیگ نے پنجاب اسمبلی کی اسٹینڈنگ کمیٹیوں سے استعفے دینے کا فیصلہ کرلیا ہے جبکہ کل استعفے اسپیکر پنجاب اسمبلی کو جمع کرادیے جائیں گے۔

مسلم لیگ ن کے اراکین جمعرات کو قائمہ کمیٹیوں کی سربراہی سے بھی استعفیٰ دیں گے اور کمیٹیوں کی رکنیت بھی چھوڑ دیں گے، پنجاب اسمبلی میں ن لیگی اراکین نے اسٹینڈنگ کمیٹیوں سے مستعفی ہونے کا فیصلہ کیا ہے، ارکان حمزہ شہباز کو چیئرمین پی اے سی نہ بنانے پراستعفے دے رہے ہیں۔

مسلم لیگ ن کے ارکان پنجاب اسمبلی کل اسپیکرپنجاب اسمبلی کے چیمبرمیں استعفے جمع کرائیں گے، ن لیگ کے 100 ارکان اسمبلی اسٹیڈنگ کمیٹیوں کے ممبرز ہیں ، 97 ارکان کے استعفے (ن) لیگ کے پاس پہنچ چکے ہیں۔

مسلم لیگ ن پنجاب کے اراکین اسمبلی کے پروڈکشن آرڈر جاری نہ ہونے پر استعفوں کا فیصلہ کیا،پنجاب اسمبلی میں قائد حزب اختلاف حمزہ شہباز کو پبلک اکاؤنٹس کمیٹی ون کی چیئرمین شپ بھی نہیں دی گئی جس کی وجہ سے ن لیگ حکومت سے نالاں ہے، حمزہ شہباز جیل میں ہیں اور حکومت انہیں کسی صورت پبلک اکاؤنٹس کمیٹی کی چیئرمین شپ دینے کو تیار نہیں ہیں۔.