کراچی پولیس نےکاروائی کرتےہوئے 96افرادکے قتل میں ملوث ٹارگٹ  کلرکوگرفتارکرلیاہے۔

 تفصیلات  کے مطابق شہرقائد میں ڈسٹرکٹ ایسٹ پولیس نے کارروائی کرتے ہوئے 96 افراد کے قاتل کو گرفتار کرلیا، ٹارگٹ کلرکاتعلق ایم کیوایم لندن سے ہے۔

ایس ایس پی ایسٹ غلام اظفرمہیسر اور ایس پی زبیرنذیر نے پریس کانفرنس کے دوران بتایا کہ ڈسٹرکٹ ایسٹ پولیس نے کارروائی کرتے ہوئے ایم کیو ایم لندن کے ٹارگٹ کلر یوسف عرف ٹھیلے والا کو گرفتار کرلیا۔

ایس ایس پی ایسٹ نے بتایا کہ گرفتار ملزم کا ٹارگٹ کلنگ گروپ 43 ٹارگٹ کلر پر مشتمل تھا، ٹارگٹ کلرٹیم نے 2 فوجی جوانوں کو قتل کیا، گروہ نے پاک فضائیہ، پولیس کے ایک ایک اہلکار کو قتل کیا۔

غلام اظفر مہیسر کےمطابق گروہ نے ایم کیوایم حقیقی کے 5 کارکن، سرکاری ملازم سمیت 2 افراد کوقتل کیا، مخبری کے شبے میں 12، بھتہ نہ دینے پرایک شہری کو قتل کیا۔

ایس ایس پی ایسٹ نےبتایا کہ محکمہ داخلہ سندھ نے بھی ملزم کی گرفتاری کے احکامات جاری کیے تھے، ملزم دہشت گرد ندیم ماربل اور عبدالسلام عرف مسہ کا قریبی ساتھی ہے۔

ایس ایس پی ایسٹ کےمطابق ملزم 1996 میں رینجرزکےہاتھوں گرفتارہواتھا، تاہم 1997 میں رہا کردیا  گیاتھا، جبکہ ملزم پیرول پررہاہونےکے بعدروپوش ہوگیاتھا،روپوشی کے دوران ایم کیوایم لندن گروپ ملزم کوپیغامات پہنچاتا تھا۔

 دوسری جانب  گرفتارٹارگٹ کلرنےانکشاف کیاکہ خالد صدیقی اورنہال نے فاروق ستارسےملوایاتھااور فاروق ستارنےنائن زیروپرکمرہ دےکرایک ماہ تک مفروری کٹوائی۔

واضح رہے کہ  دوروزقبل میں ٹارگٹ  کلر یوسف عرف ٹھیلےوالا موٹرسائیکل پراپنے ساتھی ریاض چاچڑ کے ساتھ جا رہا تھا ،تاسہم جب پولیس نے اسینپ  چیکنگ کے دوران پولیس نے جیسے ہی روکا تو ریاض موٹرسائیکل پھینک کر فرار ہوگیا جبکہ مجھے پولیس نے گرفتار کر لیاتھا ۔