لاہور میں صوبائی وزیر خزانہ نے ہنگامی طور پر پریس کانفرنس کرتے ہوئے کہا ہے کہ وفاقی حکومت کی الیکٹریکل وہیکل پالیسی پنجاب میں بھی متعارف کروائی جائے گی جبکہ ٹریفک کے انتظامات میں بہتری کے لیے ماسٹر پلان تیار کیا جارہا ہے۔

ہاشم جواں بخت نے کہا ہے کہ ماحول دوست بسوں کی خریداری اور پرانی گاڑیوں کی صاف ایندھن پر منتقلی کو یقینی بنایا جائے گا جبکہ ماحولیات میں بہتری کے لیے  چالیس ارب سے زائد کی سرمایہ کاری کر رہے ہیں اور گرین ڈویلپمنٹ پروگرام کے تحت محکمہ تحفظ ماحول کی استعداد کار میں اضافہ کیا جائے گا۔

انہوں نے کہا کہ زگ زیگ ٹیکنالوجی کے بغیر چلنے والے بھٹے مزید برداشت نہیں کیے جائیں گے جبکہ اسٹیل ملز کی چمنیوں کو بند کرنے کے لیے  مذاکرات کا آغاز کر رہے ہیں اور سموگ کے خطرات سے نمٹنے کے لیے لانگ اور شارٹ ٹرم پلان پر کام کا آغاز کر چکے ہیں جلد لاہور کو کلین اینڈ گرین بنائیں گے۔

انکا مزید کہنا تھا کہ :فضائی آلودگی میں اضافے کی سب سے بڑی وجہ پبلک ٹرانسپورٹ ہے اس کے بعد صنعت اور آخری نمبر زراعت کا ہے اور نگرانی کے دوران ماحول کو نقصان پہچانے والی گاڑیاں مرمت کے بعد فٹنس سرٹیفیکیٹ کے حصول سے پہلے سڑکوں پر نہیں لائی جائیں گی۔

پریس کانفرنس میں انہوں نے کہا کہ صنعتوں کو ماحول دوست ایندھن کے استعمال پر آمادہ کیا جائے گا جبکہ ٹائر ؤں کی آتشزدگی  ہرگز برداشت نہیں کی جائے گی اور ہندوستان کی جانب سے دھویں پر کنٹرول کے لیے بین الاقوامی ماحولیاتی کانفرنسوں میں آواز اُٹھا رہے ہیں۔