وزیر خارجہ شاہ محمود قریشی نے کہا ہے کہ ملک میں سی پیک کےمنصوبے جاری ہیں اور جاری رہیں گے کیونکہ یہ معاشی ترقی کے لیے ضروری اور گیم چینجر ہے۔

تفصیلات کے مطابق وزیر خارجہ شاہ محمود قریشی نے ملتان میں میڈیا سے گفتگو کرتے ہوئے کہا کہ ایلس ویلزکے بیان سے منصوبے پر کوئی اثر نہیں پڑے گا، یہ ایلس ویلز کی رائے ہو سکتی ہے لیکن پاکستان نے سی پیک پر امریکی بیان مسترد کر دیا ہے جبکہ ہم نے سی پیک کےمنصوبے کے فیز ٹو کا آغاز کر دیا ہے۔

شاہ محمود قریشی کا کہنا ہے کہ آج کشمیر میں کرفیو کو لگے 112 دن بیت گئے ہیں مگر بھارت کی ہٹ دھرمی  ابھی بھی جاری ہےاور پاکستان مسئلہ کشمیر پر آواز بن بلند کرتا رہا ہے اور کرتا رہے گا۔

وزیر خارجہ کا یہ بھی کہنا تھا کہ ہسپتالوں میں شہید ہونے والے شہداء کا سرٹیفکیٹ تک جاری نہیں کیا جاتا کہ کہیں عالمی قوتیں اور میڈیا یا کشمیر میں ہونے والی شہادتوں کی درست تعداد نہ جان لیں۔

شاہ محمود قریشی نے کہا کہ کشمیر کے حوالے سے دفتر خارجہ میں اجلاس بھی منعقد کیا جائے گا کشمیر سیل کے آگلے اجلاس میں وزیراعظم کو بھی شرکت کی دعوت دی جائے گی۔

وزیر خارجہ شاہ محمود قریشی نے مزید کہا کہ کہ ناروے میں ہونے والے تھے اسلام مخالف اقدام کی شدید مذمت کرتے ہیں ناروے کے امبیسڈر کو دفترخارجہ بلاکر اس واقعے کی شدید مذمت کی گئی ہے جبکہ مطالبہ کیا گیا ہے کہ جس شخص نے یہ بے خدا حرکت حضرت کی ہے اسے سخت سزا دی جائے جبکہ کہ الیاس کو فوری رہا کیا جائے۔

واضح رہے اس سے قبل وزیر خارجہ مخدوم شاہ محمود قریشی کی زیر صدارت، مشاورتی کونسل برائے امور خارجہ کا دسواں اجلاس ہوا تھا۔

اجلاس میں مقبوضہ جموں و کشمیر میں جاری انسانی حقوق کی سنگین خلاف ورزیوں، اقتصادی و ثقافتی سفارت کاری سمیت اہم امور پر بات چیت کی گئی جبکہ مسلم امہ کو، اسلامو فوبیا سمیت درپیش مختلف چیلنجز سے نمٹنے کیلئے مسلم ممالک کے ساتھ ملکر مشترکہ لائحہ عمل اپنانے کے حوالے سے بھی تفصیلی مشاورت کی گئی تھی۔

اس موقع پر مشاورتی کونسل برائے امور خارجہ کے اجلاس میں سیکرٹری خارجہ سہیل محمود، سابقہ خارجہ سیکریٹریز، سفراء، سمیت وزارت خارجہ کے سینیئر حکام نے شرکت کی تھی۔