کراچی سے لاہور جانے والی قراقرم ایکسپریس کو حادثہ

محمد سدھیر چوہدری

13th Nov, 2019. 12:37 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

کراچی سے لاہور جانے والی قراقرم ایکسپریس کو حادثہ

کراچی سے لاہور جانے والی قراقرم ایکسپریس کا انجن اور دو بوگیاں پٹڑی سے اتر گئیں۔

تفصیلات کے مطابق کراچی سے لاہور جانے والی قراقرم ایکسپریس کا انجن اور دو بوگیاں پٹری سے اتر گئیں۔ تاہم کسی زخمی ہونے کی اطلاع نہیں ہے۔تمام مسافر خیریت سے ہیں۔

واقعہ صبح پیش آیا جب صفدرآباد اسٹیشن پر آنے والی ٹرین عملے کی غفلت و کوتاہی کے سبب بند راستے والی پٹری پر چلی گئی۔

ڈرائیور نے ہنگامی بریک لگائی جس کے سبب انجن اور اس کے ساتھ والی پہلی دو بوگیاں پٹڑی سے اتر گئیں۔ ڈی ٹی او ریلو ے لاہور حامد فاروق قریشی نے کہا کہ گاڑیوں کی آمدورفت معمول کے مطابق جاری ہےو الحمدللہ تمام مسافر خیریت سے ہیں۔

خیال رہے کہ گزشتہ ماہ بھی کراچی سے راولپنڈی آنے والی تیز گام ایکسپریس میں گیس کا سلنڈر پھٹنے سے آگ بھڑک اٹھی جس سے 74 افراد جاں بحق اور متعدد زخمی ہوگئے تھے۔

وزیر ریلوے شیخ رشید احمد نے ایک سال میں مجموعی طور پر چونتیس نئی ٹرینیں چلائی ہیں۔ اگست 2018 سے 2019 تک جوں جوں ٹرینیں بڑھیں ویسے ویسے حادثات کی تعداد میں بھی اضافہ ہوا ہے۔

گزشتہ ایک سال کے دوران مسافر اور مال بردار گاڑیوں کے پٹڑی سے اترنے کے 65 سے زائد واقعات رونما ہوچکے ہیں۔