سابق وزیراعظم نوازشریف علاج کے لئے مسلم لیگ ن کے صدر شہباز شریف کے ہمراہ لندن پہنچ گئے۔

تفصیلات کے مطابق ڈاکٹر عدنان نے سماجی رابطے کی ویب سائٹ‌ ٹوئٹر اپنے ایک ٹوئٹ میں کہا کہ سابق وزیراعظم نوازشریف لندن پہنچ گئے ہیں۔

Former PM #NawazSharif onboard Qatar Airways Air Ambulance A7-MED has landed safely at Heathrow, London-UK.

— Dr. Adnan Khan (#StayHomeSaveLives) (@Dr_Khan) November 19, 2019

نواز شریف لندن پہنچ گئے !!!#BOLNews #Breaking #NawazSharif #London pic.twitter.com/mEwkT19pvw

— BOLNetwork (@BOLNETWORK) November 19, 2019

اپنے پیغام میں ڈاکٹر عدنان نے کہا کہ نوازشریف کا طیارہ “ایئرایمبولینس” ہتھیرو ایئرپورٹ‌ پر لینڈ چکا ہے۔

دوسری جانب پاکستان مسلم لیگ (ن) کی ترجمان مریم اورنگزیب نے سابق وزیراعظم محمد نواز شریف کی صحت سے متعلق بیان دیتے ہوئے کہا کہ اللہ تعالی کی رحمت اور قوم کی دعاؤں سے قائد محمد نواز شریف بحفاظت لندن پہنچ گئے ہیں۔

مریم اورنگزیب کا کہنا تھا کہ اللہ تعالی کا لاکھ لاکھ شکر ادا کرتے ہیں کہ سفر کے دوران کوئی طبی پیچیدگی نہیں ہوئی اور اب محمد نواز شریف کا برطانیہ میں معالجین معائنہ کریں گے۔

پاکستان مسلم لیگ (ن) کی ترجمان مریم اورنگزیب کا مزید کہنا تھا کہ قوم کی دعاؤں پر ان کا شکریہ ادا کرتے ہیں اور ان سے اپیل ہے کہ دعاؤں کا یہ سلسلہ جاری رکھیں۔

یاد رہے کہ شہباز شریف نواز شریف کی صحت یابی تک ان کے ساتھ قیام کریں گے۔

واضح رہے کہ سابق وزیراعظم نواز شریف علاج کے لئے قطر ائیر ایمبولینس کے ذریعے براستہ دوحہ لندن روانہ ہوئے ،وزارت داخلہ نے باہر جانے کی اجازت دے دی تھی۔

حکومت کی جانب سے ایئر ایمبولینس کو مکمل کلیئرنس دے دی گئی جبکہ نواز شریف کو کاررواں کی صورت میں جاتی امراء سےایئر پورٹ لے جایا جا رہا تھا۔

قافلے میں سا بق وزیر اعظم کی صاحبزادی مریم نواز، کیپٹن ریٹائرڈ صفدراور خاندان کے دیگر افراد جبکہ مسلم لیگ ن کے رہنماؤں اور کارکنوں کی بڑی تعداد بھی شریک تھے

ذرائع کے مطا بق ائیر پورٹ روانگی کے موقع پر شریف میڈیکل سٹی کی ایمبولینس بھی ہمراہ تھے۔