پی پی رہنما قمر زمان کائرہ کے حکومت گرانے کے بیان پر اداکارہ وینا ملک کا ردعمل سامنے آیا ہے۔

 وینا ملک کا کہنا تھا کہ  قمر زمان کائرہ کہتے ہیں کہ حکومت کو عدالت نے ایکٹ میں ترمیم کیلئے چھ مہینے کا وقت دیا ہے، ہم 6 ماہ میں حکومت ہی گرا دینگے۔ وینا ملک  نے جواب میں  طنز کرتے ہوئے کہا کہ  قمر زمان اپنی سیٹ آپ سے جیتی نہیں گئی اور چلے ہو حکومت گرانے۔

واضح رہے کہ پاکستان پیپلز پارٹی کے رہنماء  قمر زمان کائرہ  نے کچھ روز قبل حکومت کو تنقید کا نشانہ بناتے ہوئے کہا تھا کہ ہم  چھ ماہ میں حکومت گرا دیں  گے۔

یاد رہے کہ آج سپریم کورٹ نے آرمی چیف کی مدت ملازمت میں 6 ماہ کی توسیع دے دی،عدالت نے حکومت کو 6 میں قانون سازی کرنے کا حکم دے دیا۔

 سپریم کورٹ میں آرمی چیف کی مدت ملازمت میں توسیع سے متعلق کیس میں چیف جسٹس آصف سعید کھوسہ کی سربراہی میں تین رکنی بنچ سماعت کی۔

واضح رہے کہ مدو روز قبل وینا ملک نے اپنے ٹویٹر اکاونٹ پر آرمی چیف جنرل قمر جاوید باجوہ  کے بارے میں  اپنے خیالات کا اظہار کرتے ہوئے کہا تھا کہ پاکستان کی موجودہ صورتحال میں آرمی چیف جنرل باجوہ مسلہ کشمیر کے حل،انڈیا کے ساتھ کشیدہ حالات،افغان امن معاملات اور پاکستان کے اندرونی سازشوں کو بھرپور طریقے سے کاونٹر کررہے ہیں  آرمی چیف کی مدت ملازمت میں توسیع وقت کی اہم ضرورت ہے۔