حکومتی مذاکراتی ٹیم کا اجلاس سربراہ پرویز خٹک کی زیر صدارت چیئرمین سینٹ صادق سنجرانی کی رہائش گاہ پر ہوا۔

اجلاس میں کمیٹی سربراہ پرویز خٹک، صادق سنجرانی ، اسد قیصر،نور الحق قادری، اسد عمر ، قائد ایوان شبلی فراز، شفقت محمود بھی شریک ہوئے۔

اجلاس میں آئندہ کے لائحہ عمل پر غور کیا جبکہ رہبر کمیٹی کے ساتھ مزاکرات کا عمل بحال کرنے اوراپوزیشن سے دوبارہ مذاکرات کرنے یا نہ کرنے پر بھی بات چیت کی گئی۔

اس موقع پر چیرمین سیںٹ صادق سنجرانی نے مذاکراتی کمیٹی میں اظہار خیال کرتے ہوئے کہا کہ ہمیں سنجیدگی سے بات چیت کرکے مولانا کے ساتھ مزاکرات کرکے مسئلے کا حل نکالنا چاہیے۔

چیرمین سیںٹ صادق سنجرانی کا یہ بھی کہنا تھا کہ مولانا صاحب ابھی تک اپنے معاہدہ پر قاہم ہیں تو ہمیں صبر و تعمل سے کام لینا چاہیے۔

پرویز خٹک نے اجلاس سے خطاب میں کہا کہ حکومتی مذاکراتی کمیٹی بات چیت کے لیے ہر وقت تیار ہے۔

دوسری جانب حکومتی مزاکراتی کمیٹی کے سربراہ پرویز خٹک نے کہا ہے کہ مولانا صاحب حکومت کو تبدیل کرنے کا آئینی طریقہ موجود ہے۔

حکومتی مزاکراتی کمیٹی کے سربراہ پرویز خٹک نے بول ٹی وی کے زریعے مولانا فضل الرحمان کو پیغام دیا کہ آپ اسمبلی میں تحریک عدم استحکام لائیں۔

حکومتی مزاکراتی کمیٹی کے سربراہ پرویز خٹک کا کہنا تھا کہ مولانا صاحب اسمبلی میں اپنی اکثریت ثابت کریں، آئین میں زبردستی حکومت تبدیل کرنے کا کوئی طریقہ نہیں،انھوں نے مزید کہا کہ اس کا مطلب ہے آپ انتشار پھیلانا چاہتے ہیں لیکن افسوس یہ ہے کہ آپ کے لوگ بھی آپ کے کنٹرول میں نہیں۔