وزیراطلاعات کے پی شوکت یوسفزئی نے کہا ہے کہ فضل الرحمن کا دماغی توازن متاثرہوا ہےان کوایک اچھےسائیکاٹرسٹ کی ضرورت ہے۔

 تفصیلات کے مطابق خیبر پختونخواہ کے وزیر اطلاعات شوکت یوسفزئی نے اپنے ایک ویڈیو پیغام میں کہا کہ مولانا فضل الرحمن حواس باختہ ہوچکےہیں،انھیں کچھ سمجھ  نہیں آ رہا کہ کیا کریں۔

وزیراطلاعات شوکت یوسفزئی نے کہا کہ مولانا فضل الرحمان کے پاس حکومت کے خلاف احتجاج کا کوئی جواز نہیں

شوکت یوسفزئی نے یہ بھی کہا کہ مولانا فضل الرحمان اپنی شکست کا بدلہ پورے پاکستان سے لینا چاہتا ہے، انھیں پتہ ہونا چائیے کہ سڑکیں بند کرنے سے عوام کو تکلیف ہوگی۔

وزیراطلاعات کے پی شوکت یوسفزئی نے مزید کہا کہ مولانا فضل الرحمان شروع دن سے انتشار پھیلانے کے منصوبے بنا رہے تھے جبکہ ان کے دھرنے کو کسی اور نے نہیں اپنے حلقے کے عوام نے مسترد کیا ہے۔

دوسری جانب مولانا فضل الرحمان نے حکومت کے خلاف دھرنا ختم کرنے کا اعلان کردیا ہے۔

آزادی مارچ کے شرکاء سے خطاب میں اپنے اعلان میں مولانا نے کہا تھا کہ میں شہریوں سے اپیل کرتا ہوں کہ وہ سڑکوں پر نکل آئے اور حکومت کے خلاف اپنا احتجاج ریکارڈ کروائیں۔

اسلام آباد میں آزادی مارچ کا دھرنا ختم کرتے ہوئے مولانا فضل الرحمان کا پلان بی کے تحت نئے محاذ پر جانےکا اعلان کردیا اور کہا کہ شہروں سے باہر جا کرشاہراہوں پراحتجاج کریں گے کیونکہ موجودہ حکومت پر کوئی اعتماد کرنے کو تیار نہیں ہے۔

مولانا فضل الرحمان نے مزید کہا کہ ناجائز حکمرانی کو کسی صورت قبول نہیں کریں گے اور کہا کہ گرتی ہوئی دیوار کو ایک دھکا اور دیں گے۔