مو لا نا فضل الرحمان کی قیادت میں اپو زیشن کا آزادی ما رچ اسلا م آبا د پہنچ گیا ہے۔

تفصیلات کے مطا بق آزادی مارچ قافلے اسلام آباد پہنچ گئے ہیں، مولانا فضل الرحمان آج دو بجے جمعہ کی نماز کی امامت کریں گے، نماز جمعہ کے بعد جلسے کا باقاعدہ آغاز ہوگا ،مولانا فضل الرحمان جلسے کے آغاز سے ایک خطاب بھی کریں گے۔

ذرائع کے مطا بق صدر مسلم لیگ ن شہباز شریف کی بھی جلسے میں شرکت متوقع ہے جبکہ مولانا فضل الرحمان نماز جمعہ کے بعد حکومت کے سامنے اپنے مطالبات بھی پیش کریں گے۔

ذرائع کے مطا بق جمعیت علمائے اسلام ف کا آزادی مارچ پانچویں روز کراچی سے اسلام آباد پہنچا، مسلم لیگ ن، پیپلز پارٹی اورمقامی قیادت نے شہر شہر استقبال کیا، مولانا فضل الرحمان بھی جگہ جگہ کارکنوں کا حوصلہ بڑھاتے رہے اور خطا ب کر تے رہے۔

اپوزیشن کا آزادی ما رچ کراچی سے چلا پھر حیدر آباد، مٹیاری، نوابشاہ، نوشہرو فیروز اور خیر پور سے ہوتا ہوا سکھر پہنچا جہاں پہلی رات پڑاؤ کیا۔

پیر کی صبح یہ قافلہ سکھر سے گھوٹکی، صادق آباد، رحیم یار خان اور اوچ شریف سے ہوتا ہوا ملتان پہنچا۔

منگل کو قافلے نے ملتان سے خانیوال، میاں چنوں، چیچہ وطنی، ساہیوال، اوکاڑہ اور پتوکی سے لاہور کا رخ کیا اور رات وہی گزاری پھر صبح قافلہ منزل کی طرف گامزن ہوگیا۔

لاہورسے قافلہ مرید کے، گوجرانوالہ، گجرات، کھاریاں، جہلم اور گوجر خان پہنچا جہاں رات قیام کیاگیا۔

ذرائع کے مطا بق آزادی مارچ میں زیادہ تعداد جے یو آئی کے کارکنوں کی ہے جب کہ مسلم لیگ ن، اے این پی، پی پی پی اور پی کے میپ کے جھنڈے بھی نظر آرہے ہیں۔

پنڈال کے چاروں طرف اور اسٹیج کے سامنے انصار الاسلام کے کارکن تعینات ہیں جبکہ آزای مارچ کے شرکا کو سیکیورٹی کی وجہ سے مرکزی اسٹیج سے تھوڑے فاصلے پر رکھا گیا ہے،حکومت نے بجلی سمیت دیگر ضروری سہولیات بھی کی ہیں۔