شیخ رشید نے کہا ہے کہ مولانافضل الرحمن جا رہے ہیں ایک دو روز میں مسئلہ حل ہو جائے گا ۔

تفصیلات کے مطا بق وزیر ریلوے شیخ رشید کا دھرنے کے حوالے سے اپنے بیان میں کہنا ہے کہ جمہوریت کی آڑ میں پچھلے چار روز سے کنٹینر پر پاکستان کے مفاد کے خلاف زبان ملکی مفاد میں نہیں ہے، ہندوستان یہی چاہتا ہے کہ پاکستان کے عسکری اداروں پر تنقید ہو، مودی چاہتا ہے پاکستان کے ادارے کمزور ہوں اور کشمیر کا مسئلہ پس پشت چلا جائے۔

شیخ رشید نے مزید کہا کہ خوشی ہے عمران خان نے اس مسئلے کو بڑی دانشمندی سے حل کیا، سیاسی جماعتیں سیاسی طریقہ سے اپنا حق منواتی ہیں، محمود اچکزئی جیسے لوگوں کو ساتھ رکھ کر ملک میں انتشار کا تاثر دیا جا رہا ہے، اسلام آباد پرسکون ہو جائے گا اور حکومت اپنے پانچ سال پورے کرے گی۔

وا ضح رہے کہ مولانا فضل الرحمان نے مارچ کا آغاز 27 اکتوبر کو کراچی سے کیا اور اُن کا قافلہ سندھ ، پنجاب کے مختلف شہروں سے ہوتا ہوا دارلحکومت اسلام آباد پہنچا۔

مولانا فضل الرحمان نے اداروں پر تنقید شروع کرتے ہوئے حکومت کواتوارتک کی مہلت دے دی۔

اُن کا مزید کہنا تھا کہ یہ مجمع قدرت رکھتاہےکہ وزیراعظم کوگھرسےگرفتارکرلے،ادارے2دن میں بتادیں موجودہ حکومت کی پشت پرنہیں کھڑے۔