گورنر ہاوس میں انٹرنیشنل اسٹوڈنٹ ویک ان پاکستان 2019 کی اختتامی تقریب سے گورنر پنجاب چوہدری محمد سرور نے خطاب کرتے ہوئے کہا کہ ہم بہت مشکل وقت سے گزرے ہیں۔

چوہدری محمد سرور نے کہا کہ پاکستان کی حفاظت کرتے اور دہشت گردی کا مقابل کرتے ہوئے ہم پچاس ہزار سے زائد اپنے فوجی کھا چکے ہیں۔

گورنر پنجاب نے یہ بھی کہا کہ ہمارے ملک میں جس تعلیمی ادارے میں جاتا ہوں ہمارے ملک کی بیٹیاں بیٹوں سے زیادہ کامیابیاں سمیٹ رہی ہیں، اگر ہماری ملک کے جوان لڑکے نہ جاگے تو پاکستان ایسا پہلا ملک ہوگا جس میں مردوں کے لئے کوٹا رکھنا۔

 چوہدری محمد سرور کا کہنا تھا کہ ہم ملک میں امن اور خوشحالی چاہتے ہیں اور مجھے فخر ہے پاکستانی کی تاریخ مین پہلی مرتبہ کرتارپور بارڈر سکھ برادری کے لئے کھول دیا گیا ہے۔

گورنر پنجاب چوہدری محمد سرور کا مزید کہنا تھا کہ تقریبا 90 دن ہوچکے ہیں کشمیر میں کرفیو ہے،یہ ہمارا فرض ہے کہ ان مظلوم لوگوں کے لئے آواز اٹھائیں۔

واضح رہے گزشتہ روز بھی گورنر پنجاب چوہدری محمد سرورنے اپنے ایک بیان میں کہا تھا کہ ہم عوام کے سہارے اقتدار میں آئے ہیں وزیر اعظم عمران خان قومی امنگوں کے تر جمان ہیں اور عمران خان کے استعفے کا سوال ہی پیدا نہیں ہوتا کیونکہ حکومت آئینی مدت پوری کر یں گی۔

چوہدری محمد سرور نے یہ بھی کہا تھا کہ ملکی ترقی میں رکاوٹیں ڈال کر اپوزیشن عوام سے عام انتخابات میں شکست کا بدلہ لینا چاہتی ہے لیکن اپوزیشن کی ملک کو عدم استحکام کا شکار کر نیکی سازش عوام دشمنی ہے جس کو ہر صورت ناکام بنایا جائیگا۔

گورنر پنجاب چوہدری محمد سرور نے مزید کہا تھا کہ اپوزیشن اپنی سیاسی دکانداری چمکانے کیلئے قومی اداروں کو تنقید کا نشانہ بنا رہی ہے لیکن اپوزیشن غور سن لیں ملک میں عام انتخابات 2023میں ہی ہوں گے۔