صوبائی وزیراطلاعات فیاض الحسن چوہان نے کہاہے کہ سردارعثمان بزدارکیخلاف مہم چلائی جارہی ہے،عثمان بزدار نے خاموشی سے کام کیا۔

لاہورمیں صوبائی وزیراطلاعات فیاض الحسن چوہان نےمیڈیاسے گفتگوکرتے ہوئے کہاکہ وزیراعلیٰ پنجاب سردارعثمان بزدارکےکارنامےبےشمارہیں،وزیراعلیٰ پنجاب نےایک سال میں سیکڑوں پراجیکٹ مکمل کیے۔

انہوں نے کہاکہ عثمان بزدار نے خاموشی سے کام کیے ہیں۔ انہوں نےوزیراعلیٰ ہاؤس کاخرچہ60 فیصد کم کیا ہے،انہوں نےسکیورٹی کےاخراجات میں55کروڑروپےکمی کی ہے۔

فیاض الحسن چوہان کاکہناتھاکہ وزیراعلیٰ پنجاب کا کوئی کیمپ آفس نہیں ہے،گزشتہ دورحکومت میں تحائف اورمہمان داری پر11کروڑمختص تھے،عثمان بزدارنےمہمان نوازی کیلئے3کروڑروپےتک مختص کیےہیں۔

صوبائی وزیراطلاعات کاکہناتھاکہ اپوزیشن نےاپنی آنکھوں پرکرپشن اورمنی لانڈرنگ کی عینک پہنی ہوئی ہے،پہلی بارصوبہ بھرمیں محرم الحرام پرامن طورپرگزرا۔

فیاض الحسن چوہان کاکہناتھاکہ وزیراعلیٰ عثمان بزدارنےاربوں روپےکی زمین واگزارکرائی، پنجاب میں 365 ارب روپے کی آمدن ہوئی،پنجاب حکومت کو 75ارب روپے کا منافع ہوا۔صوبائی وزیرکاکہناتھاکہ پنجاب کےاندر9یونیورسٹیزکی تعمیر کاآغاز ہوچکا ہے۔

ان کامزید کہناتھاکہ وزیراعلیٰ پنجاب نےایک روپےکی منی لانڈرنگ نہیں کی،ان کی قیادت میں104فیصدٹیکس جمع کیاگیا، عثمان بزدار کو واقعی وسیم اکرم پلس کہا جاسکتا ہے۔