اپوزیشن کی رہبرکمیٹی کے سربراہ اکرم درانی نےوفاقی حکومت پر تنقید کرتے ہوئے کہا ہے کہ اس حکومت میں بجلی ہے نہ گیس،ٹھنڈہی ٹھنڈہے۔

اپوزیشن رہنماوں کی رہبر کمیٹی کی پریس کانفرس کے دوران اکرم درانی نے کہا کہ ملک میں اظہاررائےپرتالا بندی ہے، حکومت پر تنقیدکرنےوالوں کو گرفتارکرلیاجاتاہے،دوستوں کو بچانے کےلئے نیب آرڈیننس کا سہارا لیاگیا۔

اکرم درانی نے کہاکہ رہبرکمیٹی نےاتفاق رائےسےآزادی مارچ کیا،موجودہ اپوزیشن کی کوشش ہےکہ آزادی ہوغلامی نہ ہو۔

اکرم درانی کاکہناتھا کہ ہم اداروں کی آپس میں لڑائی نہیں چاہتے،احسن اقبال کوبولنے کی سزا دی گئی ،احسن اقبال پرڈھائی ارب کےمنصوبےپر6ارب کی کرپشن کاالزام ہے۔

اکرم درانی کامزید کہناتھا کہ چاہتے ہیں تمام ادارے اپنے دائرہ اختیار میں رہیں۔

اپوزیشن کی رہبرکمیٹی کااجلاس طلب

واضح رہے کہ قومی اسمبلی میں اپوزیشن کی رہبر کمیٹی نے اہم معاملات پر مشاورت کیلئے آج اجلاس طلب کیا۔

اپوزیشن کی رہبرکمیٹی کا اجلاس اسلام آباد میں درانی ہاؤس پرہواجس میں تمام پارٹیوں کے نمائندے شریک ہوئے۔

کنوینئیر اکرم درانی نےاجلاس کی صدارت کی اور نیب آڈیننس سمیت متعدد ایشوز پر بات کی گئی۔

تمام اپوزیشن ممبرزنے اجلاس میں اپنی اپنی پارٹی کا مؤقف پیش کیا۔