لاہورہائی کورٹ کی جانب سے مسلم لیگ ن کی مرکزی نائب صدرمریم نوازکانام ایگزٹ کنٹرول لسٹ(ای سی ایل) سےنکالنے کےمتعلق ایک ہفتے میں فیصلہ جاری کرنے کاکہاگیاہے۔

تفصیلات کے مطابق جسٹس علی باقر نجفی کی سربراہی میں لاہور ہائی کورٹ کے دورکنی بینچ نے درخواست پر سماعت کی۔

درخواست امجدپرویزایڈووکیٹ کی وساطت سے دائر کی گئی ہےجس میں وفاقی حکومت، چیئرمین نیب، ڈی جی ایف آئی اے اور ڈی جی پاسپورٹ اینڈ امیگریشن کو بھی فریق بنایا تھا۔

درخواست میں موقف اختیار کیاگیاکہ العزیزیہ ریفرنس میں سزا کے باوجود بیمار والدہ کو چھوڑ کر بیرون ملک سے والد کے ساتھ واپس آئی ہوں، موقف سنے بغیرنام ای سی ایل میں شامل کیا گیا۔

درخواست میں موقف اپنایاگیاکہ ہائی کورٹ کو آگاہ کردیاگیاہےکہ میرےپاس کبھی بھی عوامی عہدہ نہیں رہا اور نہ کرپشن اوراختیارات سے تجاوز میں ملوث پائی گئی۔

مریم نواز نےموقف میں مزیدکہاکہ  والدہ کی وفات کے بعد نواز شریف کی دیکھ بھال میں ہی کرتی رہی ہوں، نواز شریف بیماری میں مجھ پر ہی انحصار کرتے ہیں،مریم نواز نواز شریف کی بیماری کی حالت ناقابل بیان ہے۔

 درخواست میں مریم نواز کی جان سےمزید موقف اختیارکیاگیاکہ نواز شریف کی بیماری کی وجہ سےشدید ذہنی دباؤ کا شکارہوں، والد کی دیکھ بھال کے لئے بیرون ملک جانا چاہتی ہوں۔

 درخواستگزار مریم نوازنے موقف اختیار کیاکہ  ای سی ایل میں نام شامل کرنے کا میمورنڈرم غیر قانونی اور آئین کی خلاف ورزی ہےجبکہ یہ اعلیٰ عدلیہ کے فیصلوں کی بھی خلاف ورزی ہے۔

 درخواستگزارنےکہاکہ عدالتوں میں ڈیڑھ سال تک مسلسل پیش ہوتی رہی ہوں، نام ای سی ایل میں شامل کرنے کا اقدام عجوبہ ہے۔

درخواست گزار کی جانب سےمزیدکہاگیاکہ نام ای سی ایل میں شامل کرنے کا اقدام ایگزٹ کنٹرول لسٹ کی اسکیم سے بھی متضاد ہے۔

درخواستگزارنے استدعاکی  کہ درخواست کے حتمی فیصلے تک 6 ہفتوں کے لئے 1 بار بیرون ملک جانے کی اجازت دی جائےاورنام ای سی ایل میں شامل کرنے کا 20 اگست 2018 کا حکم غیر آئینی اور غیر قانونی قرار دے کر کالعدم کیا جائے۔

واضح رہے کہ مریم نواز نے درخواست میں اپنا پاسپورٹ واپس لینے کی استدعا بھی کردی۔