وزیراعلیٰ پنجاب عثمان بزدار نےحکومت نے وسائل کا رخ پسماندہ علاقوں کی ترقی کے لیے موڑ دیا ہے،ماضی کی غلط ترجیحات نے پنجاب کے دور دراز کے شہر ترقی سے محروم کردیے تھے۔

تفصیلات کے مطابق وزیراعلیٰ پنجاب کاکہناہے کہ ماضی کی غلط ترجیحات کے باعث پنجاب کے دور دراز علاقے ترقی سے محروم رہے۔

وزیراعلیٰ پنجاب کاکہناہے کہ ترقی اور خوشحالی ہر شہر کے لوگوں کا بنیادی حق ہے اور ہم عوام کو زیادہ سے زیادہ سہولتیں ان کی دہلیز پر فراہم کریں گے۔

ان کا کہنا تھا کہ  نیا پاکستان عام آدمی کا پاکستان ہے اور اس وقت پاکستان اپنی اصل منزل کی جانب رواں دواں ہے۔

اپنے ایک بیان میں وزیراعلیٰ پنجاب عثمان بزدار نے کہا کہ ترقیاتی منصوبے عوام کی حقیقی ضروریات کو مدنظر رکھ کر ترتیب دیئے گئے ہیں کیونکہ حکومت تمام علاقوں کی یکساں ترقی پر یقین رکھتی ہے۔

حال ہی میں وزیراعلیٰ پنجاب سردارعثمان بزدار نے کہا تھا کہ پنجاب لینڈ ریکارڈ اتھارٹی کے ذریعے پٹواری کلچر تبدیل کرنے کا وعدہ پورا کریں گے۔

وزیراعلیٰ پنجاب سردار عثمان بزدار سے ارکان اسمبلی اور پی ٹی آئی ٹکٹ ہولڈرز نے وزیر اعلیٰ ہاؤس میں ملاقاتیں کیں۔

 اس موقع پر وزیراعلیٰ پنجاب نے کہا کہ حکومت نے پٹواری کلچرکے خاتمے کے لیے ڈیجیٹل حل تلاش کیا ہے۔

وزیراعلیٰ پنجاب نے کہا کہ پنجاب لینڈ ریکارڈ اتھارٹی اور بینکوں کا سروس لیول ایگریمنٹ اہم سنگ میل ہے جبکہ بینکوں اور مالیاتی اداروں کو ڈیجیٹل لینڈ ریکارڈ کے سنٹرل ڈیٹا بیس سے محفوظ لنک دیا گیا ہے۔

سردارعثمان بزدار نے یہ بھی کہا کہ بینکوں میں تصدیق کے بعد کاشتکار یا دیگر کاروباری حضرات آسانی سے قرضے حاصل کر سکیں گے جبکہ بینک فردملکیت، انتقال اراضی،رجسٹری اور دیگر متعلقہ دستاویزات کی تصدیق کر کے لون پراسیس مکمل کرسکیں گے۔

وزیراعلیٰ پنجاب کا کہنا تھا کہ بینکوں کی مجاز برانچوں پر فرد ملکیت کا پرنٹ فراہم کرنے کی سہولت بھی میسر ہوگی جبکہ صدیوں پرانے ریونیو سسٹم کو ڈیجیٹلائز کرنے کے مثبت اثرات دیر پا اور پائیدار ہوں گے۔

سردارعثمان بزدار کا یہ بھی کہنا تھا کہ لاکھ اراضی مالکان کے ریونیو ریکارڈ کے ایک کروڑصفحات کو ڈیجیٹلائز کر کے محفوظ کر لیا گیا اور صوبہ بھر میں سے 23ہزار ریونیوسٹیٹس کا ریکارڈ کسی بھی وقت آن لائن چیک کیا جا سکتا ہے۔

وزیراعلیٰ پنجاب سردارعثمان بزدار کا مزید کہنا تھا کہ ریونیو ریکارڈ ڈیجٹیلائزڈ کرنے سے باہمی تنازعات میں کمی اور عدالتی نظام پر بوجھ کم ہوگا جبکہ لینڈ ریکارڈ سروسز کے ذریعے اوورسیز پاکستانی بھی بیرون ملک رہ کر مستفید ہو سکیں گے۔

وزیراعلیٰ پنجاب سے ملاقات کرنے والوں میں رکن قومی اسمبلی عامر ڈوگر،ا راکین صوبائی اسمبلی غضنفر عباس،خان شیر اکبرخان،خواجہ محمد داؤد سلیمانی، شوانہ بشیر،سبین گل خان او رپی ٹی آئی کے ٹکٹ ہولڈر ابرارالحق، چیف وہیب سید عباس علی شاہ،پرنسپل سیکرٹری وزیراعلیٰ اور دیگر متعلقہ حکام بھی شریک ہوئے۔