وزیراعلیٰ پنجاب سردارعثمان بزدار نے کہا کہ وزیراعظم عمران خان اور ان کی معاشی ٹیم نے پاکستانی معیشت کو درست سمت کی جانب گامزن کر دیا ہے۔
تفصیلات کے مطابق وزیراعلیٰ پنجاب سردار عثمان بزدار نے اپنے ایک بایان میں کہا کہ 22 کروڑ عوام نے پرانے پاکستا ن کو ٹھوکر مار دی ہےجبکہ عوام نے تحریک انصاف کی حکومت کو 5 سال کا مینڈیٹ دیا ہے، حکومت اپنی مدت پوری کرے گی۔
سردار عثمان بزدار نے کہا کہ سابق حکمرانوں کی ناقص معاشی پالیسیوں کے باعث پاکستان کی معیشت کو نا قابل تلافی نقصان پہنچا لیکن اب نیا پاکستان بن رہا ہے اور غلامی کا دورواپس نہیں آئے گا۔
وزیراعلیٰ پنجاب سردار عثمان بزدار نے یہ بھی کہا کہ اپوزیشن جماعتیں صرف کرپٹ ٹولے کا تحفظ چاہتی ہیں لیکن پاکستان میں کرپٹ مافیا کے خلاف آخری کامیابی تک جنگ جاری رہے گی۔
اپنے بیان میں عثمان بزدار کا کہنا تھا کہ کرپشن بچانے کے لئے اکٹھی ہونے والی اپوزیشن جماعتوں کو پہلے بھی ناکامی ملی اور آئندہ بھی ان کے عزائم ناکام رہیں گے۔
عثمان بزدار کا یہ بھی کہنا تھا کہ اپوزیشن جماعتیں سر پیٹتی رہ جائیں گی اور پاکستان وزیراعظم عمران خان کی قیادت میں آگے بڑھتا جائے گا۔
وزیراعلیٰ پنجاب سردار عثمان بزدار کا مزید کہنا تھا کہ وزیراعظم عمران خان کی قیادت میں تبدیلی کے سفر کو کوئی نہیں روک سکتا موجودہ حکومت میں عوامی خدمت کا سفر جاری رہے گا۔
واضح رہے اس سے قبل وزیراعلیٰ پنجاب سردار عثمان بزدار کی زیر صدار ت اعلی سطح کا اجلاس ہوا تھا ، جس میں گنے کی امدادی قیمت پرنظر ثانی کے لئے مختلف تجاویز پر غور کیا گیا تھا۔
سردار عثمان بزدار نے کہا تھا کہ پنجاب زرعی صوبہ ہے اور زرعی معیشت کا فروغ ہماری ترجیح ہے۔
وزیراعلیٰ پنجاب سردار عثمان بزدار نے یہ بھی کہا تھا کہ گنے کے وزن میں کٹوتی کی ہر گز اجازت نہیں دی جائے گی اور وزن میں کٹوتی کی شکایت پر بلاتفریق ایکشن ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News