آرمی چیف جنرل قمر جاوید باجوہ نے اسٹرائیک کور کے دورہ میں کہا کہ پاک افواج تمام چیلنجز سے نبرد آزما ہونے کیلئے ہمہ وقت تیار ہے۔

تفصیلا ت کے مطابق پاک فوج کے شعبہ تعلقات عامہ(آئی ایس پی آر)کے ڈائریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر پر اپنی ایک ٹوئٹ میں کہا کہ  آرمی چیف جنرل قمر جاوید باجوہ نے بہاولپور کے قریب اسٹرائیک کور کا دورہ کیا۔

“Strike Corps hv decisive role during war.Such exercises enhance confidence for exploiting their optimal cbt potential. Pak Army from sldrs to gens is a well trained & battle hardened cohesive force ready to take on any challenge confronting def & security of Pak”, COAS.(2of2). pic.twitter.com/Ew8CoHTYCi

— DG ISPR (@OfficialDGISPR) December 5, 2019

اپنے پیغام میں ڈی جی آئی ایس پی آر نے کہا کہ ا سٹرائیک کور دورہ میں آرمی چیف نے سرمائی تربیتی مشقیں دیکھیں اورٹرانس فرنٹیئر آپریشنز کا بھی جائزہ لیا جبکہ   پاک فضائیہ کے جنگی طیاروں  اور رائل سعودی لینڈ فورسز کے دستے نے بھی  اسٹرائیک کور کی جنگی مشق میں حصہ لیا۔

آرمی چیف نے پاک فضائیہ سمیت تمام شرکاء کے تربیتی معیار کی تعریف کی جبکہ سعودی افواج کے ڈپٹی کمانڈر میجر جنرل احمد بن عبداللہ المقرن نے بھی مشقیں دیکھیں۔

آرمی چیف جنرل قمرجاوید باجوہ نے تقریب سے خطاب کرتے ہوئے کہا کہ جنگ میں پاک فوج کی اسٹرائیک کور کا کردار فیصلہ کن ہوتا ہےاورایسی جنگی مشق لڑاکا صلاحیتوں پر اعتماد میں اضافہ کرتی ہے۔

آرمی چیف جنرل قمرجاوید باجوہ نے مزید کہا کہ پاک فوج کے جوانوں سے جرنیلوں تک سب بھرپور تربیت یافتہ ہیں اور پاک فوج پاکستان کے دفاع و سلامتی کو درپیش ہر چیلنج سے نمٹنے کے لیئے تیار ہے۔

  اس موقع پر سینئر کور کمانڈرز، آئی جی ٹریننگ اینڈ ایویلیوایشن، کمانڈر آرمی ایئر ڈیفنس کمانڈ، پاک فضائیہ کے سینئر افسران جبکہ رائل سعودی زمینی افواج کے ڈپٹی کمانڈر میجر جنرل احمد بن عبداللہ المقرن بھی جنگی مشق دیکھنے کے لیئے موجود تھے۔