لاہورہائیکورٹ نےمسلم لیگ ن کے مرکزی رہنما رانا ثناء اللہ کی ضمانت سے متعلق تحریری فیصلہ جاری کر دیا۔

تفصیلات کے مطابق سابق وزیر قانون پنجاب رانا ثناء اللہ کی درخواست ضمانت کا فیصلہ لاہور ہائیکورٹ کےجج جسٹس چوہدری مشتاق احمد نے جاری کیا ہےجوکہ9 صحفات پر مشتمل ہے۔

عدالتی تحریری فیصلےمیں لکھا گیا ہے کہ رانا ثناء اللہ کے شریک ملزم کی ٹرائل کورٹ میں ضمانت ہو چکی ہے، استغاثہ نے شریک ملزموں کی ضمانت منظوری کو ہائیکورٹ میں چیلنج نہیں کیا۔

فیصلے میں یہ بھی لکھا گیا ہے کہ رانا ثناء اللہ پر 15 کلو ہیروئن رکھنے کا مقدمہ بنایا گیا لیکن ان کا جسمانی ریمانڈ ہی نہیں لیا گیا،ملزم کی 10، 10 لاکھ روپے کے دو ضمانتی مچلکوں کے عوض ضمانت منظور کی گئی ہے۔

انسداد منشیات کورٹ لاہور میں مچلکے جمع ہوگئےجس کے بعدرانا ثناء اللہ کی رہائی کا روبکار جاری ہوگا۔

خیال رہے کہ دو روز قبل لاہورہائیکورٹ کی جانب سےمنشیات برآمدگی کیس میں گرفتار پاکستان مسلم لیگ ن کے رہنما اور سابق وزیرقانون پنجاب رانا ثناء اللہ کی ضمانت منظور کی تھی۔

رانا ثناء اللہ کی ضمانت منظور

یاد رہے کہ گزشتہ روز وزیر مملکت برائے انسداد منشیات شہریار آفریدی کی جانب سےایک بار پھر دعویٰ کیاگیا کہ انہوں نے سب کچھ اپنی آنکھوں سے دیکھا ہے اور رانا ثناء اللہ کے کیس کو منطقی انجام تک پہنچائیں گے۔

شہریار آفریدی کا مزیدکہنا تھا کہ عدالت کا تفصیلی فیصلہ سامنے آنے کے بعد آئندہ کے لائحہ عمل پر مشاورت کریں گے۔