آرمی چیف جنرل قمر جاوید باجوہ نے کہا ہے کہ بابائے قوم محمد علی جناح کے دو قومی نظریئے کو عالمی سطح پر آج زیادہ بہتر طور پر تسلیم کیا جارہا ہے۔

پاک فوج کے شعبہ تعلقات عامہ (آئی ایس پی آر) کے مطابق بانی پاکستان قائد اعظم محمد علی جناح کے یوم پیدائش پر آرمی چیف جنرل قمر جاوید باجوہ نے مزار قائد پر حاضری دی اور فاتحہ کی۔

“Even in most difficult times, all Pakistanis including minorities have come together without compromise on respective identity. His vision will always guide the way for us to take Pakistan ahead following principles of Faith, Unity and Discipline”, COAS. (2/2). pic.twitter.com/lJfIW6g6bx

— DG ISPR (@OfficialDGISPR) December 25, 2019

اس موقع پر اپنے بیان میں آرمی چیف جنرل قمر جاوید باجوہ نے کہا کہ بابائے قوم نے پاکستان دو قومی نظریئے کی بنیاد پر بنایا، آج پوری دنیا اس دو قومی نظریئے کا زیادہ بہتر طور پر اعتراف کر رہے ہیں، قیام پاکستان کیلئے قائد کا جتنا بھی  شکریہ ادا کیا جائے کم ہے ۔

پاک فوج کے سپہ سالار جنرل قمر جاوید باجوہ نے یہ بھی کہا کہ انتہائی مشکل حالات میں بھی ہر پاکستانی متحد رہا، جس میں اقلیتوں نے بھی بلا تفریق مشکلات میں قوم کے شانہ بشانہ کھڑی رہیں۔

 آرمی چیف جنرل قمر جاوید باجوہ نے اس عزم کا اعادہ کیا کہ قائداعظم کے وژن سےہمیشہ رہنمائی لیتے رہیں گے اور  قائد کے راہنماء اصول ایمان، اتحاد اور تنظیم  پر چلتے رہیں گے۔

قیام پاکستان کی مخالفت کر نے والوں کواحساس ہورہا ہے، ڈی جی آئی ایس پی آر

یادرہے اس سے قبل ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر قائد اعظم یوم پیدائش کے موقع پر اپنے ایک پیغام جاری کرتے ہوئے کہا کہ جو لوگ قیام پاکستان کی مخالفت کر رہے تھے انہیں آج احساس ہورہا ہے۔

واضح رہے کہ ملک بھر میں بابائےقوم قائدِ اعظم محمد علی جناح کا144واں یوم پیدائش آج ملی جوش و جذبے سے منایا جارہا ہے جبکہ بابائےقوم کی یوم پیدائش کے موقع پر سرکاری سطح پر پاکستان میں تعطیل ہو گی اور جناح صاحب کو خراجِ تحسین پیش کرنے کے لیے مختلف تقاریب کا اہتمام بھی کیا گیا۔

 اس موقع پر وفاقی دارالحکومتوں میں31 جبکہ صوبائی دارالحکومتوں میں 21 توپوں کی سلامی دی گئی ،کراچی میں مزار قائد پر گارڈز کی تبدیلی کی تقریب بھی منعقد ہوئی اور الیکٹرانک میڈیا بھی خصوصی پروگرامات نشر  کئے گئے جبکہ پرنٹ میڈیا میں بھی خاص اشاعتوں کا اہتمام کیا ۔