پاکستان انٹرنیشنل ایئرلائن (پی آئی اے) کے ڈرائی لیز پر خریدے  گئے نئے طیارے کو سول ایوی ایشن اتھارٹی نے اڑان کے لیے کلیرنس دے دی ۔

 پاکستان انٹرنیشنل ایئرلائن (پی آئی اے)  کے ترجمان عبداللہ خان کے مطابق سی ای او پی آئی اے ایئر مارشل ارشد ملک اور ان کی ٹیمکی کاوشیں رنگ لارہی ہیں جس کی بدولت پی آئی اے تیزی سے بہتری کی جانب گامزن ہے۔

ایربس 320 پہلی پرواز کے لیے تیار نیا طیارہ پہلی پرواز کراچی سے لاہور کی کرے گا، ایر بس طیارہ پی کے 306 کراچی سے لاہور روانہ ہوگا۔

واضح رہے کہ گزشتہ ماہ نومبر میں پی آئی اے نے دو نئے طیارے خریدے تھے۔جس پرترجمان پی آئی اے کا  کہنا تھا کہ  طیاروں کی آمد سے نہ صرف  قومی ایئرلائن کے فضائی آپریشن سمیت ریوینیومیں اضافہ ہو گا بلکہ نئے طیارے مسافروں کو جدید سفری سہولتوں  کی فراہمی میں بھی معاون ثابت ہوں گے۔

ایئر بس 320 طیاروں کی فراہمی کے لئے پی آئی اے نےایلافکو نامی کمپنی سے معاہدہ کیا تھا۔طیاروں کی 6سالہ ڈرائی لیز کے لئے فنانسنگ کے ایس سی پی نامی کویتی کمپنی نے فراہم کی ۔

دونوں طیارے بالترتیب اے پی بی ایم ایکس اوراے پی بی ایم وائی رجسٹریشن نمبرز کے حامل ہیں۔

 یا د رہے کہ خریدے گئے دونوں طیارے اگست 2010سے 2018 تک سعودی ایئر لائن کے زیر استعمال رہے ہیں۔