ڈاکٹرعمران فاروق قتل کیس میں بڑی پیشرفت سامنےآگئی، برطانوی پولیس کی جانب سے انتہائی اہم شواہد عدالت میں پیش کر دیے ہیں۔

تفصیلات کےمطابق برطانوی پولیس کی جانب سے عدالت میں آلہ قتل اور واقعے کی سی سی ٹی وی فوٹیج پیش کردی گئی۔

برطانوی پولیس نےدونوں شواہد کے ساتھ کرائم سین کی ڈائیا گرام اور نقشہ بھی عدالت میں پیش کیا گیا ہے۔

اسلام آبادمیں انسداددہشتگردی کی عدالت جج شاہ رخ ارجمند نےعمران فاروق قتل کیس کی سماعت کی جس میں واقعہ میں ملوث تینوں ملزمان خالد شمیم، محسن اور معظم عدالت میں پیش ہوئے۔

عمران فاروق کیس کے برطانیہ میں چیف انویسٹیگیشن آفیسر نے ریکارڈ پیش کیا۔

چیف انویسٹیگیشن افسر سٹیورڈ گرین وے نے عدالت کو بتایا کہ عمران فاروق کیس کی تفتیش کا نام ’آپریشن ہیسٹار‘ رکھا گیا ہے۔

عمران فاروق قتل کیس میں نامزد ملزم محسن علی کا تعلیمی اور کالج حاضری کا ریکارڈ عدالت میں پیش کیا گیا۔

محسن علی کی برطانیہ پہنچنے سے متعلق دستاویزات اور ای میلز بھی عدالت میں پیش کی گئیں۔

یاد رہے کہ چند ماہ قبل ڈاکٹر عمران فاروق قتل کیس میں برطانوی حکومت نے اہم شواہد پاکستان کے حوالے کیے تھے۔

ذرائع کے مطابق پاکستان کو 26 دستاویزات اور کچھ تصویری شواہد فراہم کیے گئے تھے۔

پاکستان کے حوالے کیے گئے کاغذات میں ڈاکٹرعمران فاروق کا ڈیتھ سرٹیفکیٹ اور پوسٹ مارٹم رپورٹ بھی شامل تھے۔

مذکورہ کیس میں عدالت عالیہ کے حکم پر ٹرائل کورٹ نے کارروائی روک رکھی ہے اور ایف آئی اے کو ثبوت فراہم کرنے کے لیے وقت دیا گیا تھا۔