آرمی  چیف جنرل قمر جاوید باوجوہ نے کہا ہے کہ پی اے سی کا منصوبوں میں عالمی معیار اپنانا تعریف کے قابل ہے۔

تفصیلات  کے مطابق  ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر اپنے ایک ٹوئٹ میں کہا کہ آرمی چیف جنرل قمر جاوید باوجوہ نے پاکستان ایروناٹیکل کمپلیکس کامرہ کا دورہ کیا۔

COAS visited Pakistan Aeronautical Complex (PAC) Kamra. COAS was briefed about ongoing projects. COAS lauded achievements of PAF and PAC towards attaining self-reliance and international standards in all its projects. pic.twitter.com/U7QW5Rd0RS

— DG ISPR (@OfficialDGISPR) December 12, 2019

اپنے بیان میں ڈی جی آئی ایس پی آر نے کہا کہ پاکستان ایروناٹیکل کمپلیکس کامرہ کے دورہ میں آرمی چیف نے خود انحصاری کے لیے پی اے سی کی کاوشوں کی تعریف کی اور پاک فضائیہ کی کامیابیوں کو  بھی سراہا۔

  ڈی جی آئی ایس پی آر میجر جنرل آصف غفور نے یہ بھی کہا کہ دورے میں  آرمی چیف کو جاری منصوبوں کو بریفنگ دی گئی جس پر انکا کہنا تھا کہ پی اے سی کا منصوبوں میں عالمی معیار اپنانا تعریف کے قابل ہے۔

برطانوی ہائی کمشنر کی آرمی چیف سے ملاقات

واضح رہے کہ  گزشتہ روز بھی پاکستان میں برطانوی ہائی کمشنر ڈاکٹر کرسچن ٹرنر نے آج جی ایچ کیو میں آرمی چیف جنرل قمر جاوید باجوہ سے ملاقات کی تھی۔

 ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر اپنے ایک ٹوئٹ میں کہا  تھا کہ آرمی چیف جنرل قمر جاوید باجوہ سے برطانوی ہائی کمشنر کی ملاقات ہوئی جس میں باہمی دلچسپی کےامورپرتبادلہ خیال کیا گیا تھا ۔

اپنے پیغام میں ڈی جی آئی ایس پی آر کا کہنا تھا کہ آرمی چیف نےاس موقع پر برطانوی  ہائی  کمشنرکوپاکستان میں خوش آمدیدکیا اور  ان کےلیےنیک خواہشات کااظہار بھی کیا  تھا ۔

دریں اثناءروسی وزیرصنعت وتجارت ڈینس منٹروونے بھی جی ایچ کیوکادورہ کیا  تھا،جہاں ان کی ملاقات آرمی چیف جنرل قمر جاوید باجوہ سے ہوئی تھی۔

 پاک فوج کے شعبہ تعلقات عامہ (آئی ایس پی آر) کے مطابق آرمی چیف سے روسی وزیرصنعت وتجارت کی ملاقات میں باہمی دلچسپی کے امور پر تبادلہ خیال کیا گیاتھا۔