وزیراعلیٰ پنجاب سردار عثمان بزدار  نے کہا ہے کہ سعودی عرب ہم سب کیلئے عقیدت کا محور ہے اور پاکستان کے عوام سعودی عرب کو اپنا دوسرا گھر سمجھتے ہیں ۔

تفصیلات کے مطابق وزیراعلیٰ پنجاب سردار عثمان بزدار سے روضہ رسولؐ کے کلید بردار شیخ نوری محمدعلی کی ملاقات ہوئی۔

 ملاقات میں شیخ نوری محمد علی نے پاکستان کی ترقی،خوشحالی،استحکام اور مقبوضہ کشمیر کے مظلوم عوام کی بھارتی تسلط سے آزادی کیلئے خصوصی دعا کی۔

 روضہ رسولؐ کے کلید بردار شیخ نوری محمدعلی  سے ملا قات میں وزیراعلیٰ پنجاب سردار عثمان بزدار  کا کہنا تھا کہ پا کستان اورسعودی عرب تاریخی،مذہبی رشتوں میں جڑے ہوئے ہیں۔

وزیراعلیٰ پنجاب سردار عثمان بزدار  کا  یہ  بھی کہنا تھا کہ سعودی عرب نے ہرمشکل کی گھڑی میں پاکستان کی بھر پورمدد کی ہے جبکہ وزیراعظم عمران خان کے دورمیں سعودی عرب کے ساتھ تعلقات مزید مستحکم ہوئے ہیں۔

اس موقع پر روضہ رسولؐ کے کلید بردار شیخ نوری محمدعلی   نے کہا کہ پاکستان آکردلی خوشی ہوتی ہے اور ہم آپ کے لئے دل سے دعا گوہیں اورنیک خواہشات رکھتے ہیں۔

 واضح رہے کہ گزشتہ روز وزیراعلیٰ پنجاب سردار عثمان بزدار سے ارکان اسمبلی اور پی ٹی آئی ٹکٹ ہولڈرز نے وزیر اعلیٰ ہاؤس میں ملاقاتیں کیں تھی۔

وزیراعلیٰ پنجاب سردارعثمان بزدار نے کہا تھا کہ پنجاب لینڈ ریکارڈ اتھارٹی کے ذریعے پٹوار کلچر تبدیل کرنے کا وعدہ پورا کریں گے۔

وزیراعلیٰ پنجاب نے یہ بھی کہا تھا کہ پنجاب لینڈ ریکارڈ اتھارٹی اور بینکوں کا سروس لیول ایگریمنٹ اہم سنگ میل ہے جبکہ بینکوں اور مالیاتی اداروں کو ڈیجیٹل لینڈ ریکارڈ کے سنٹرل ڈیٹا بیس سے محفوظ لنک دیا گیا ہے۔

وزیراعلیٰ پنجاب سردارعثمان بزدار نے مزید کہا تھا کہ بینکوں میں تصدیق کے بعد کاشتکار یا دیگر کاروباری حضرات آسانی سے قرضے حاصل کر سکیں گے جبکہ بینک فردملکیت، انتقال اراضی،رجسٹری اور دیگر متعلقہ دستاویزات کی تصدیق کر کے لون پراسیس مکمل کرسکیں گے۔