وزارت داخلہ نے پاکستان میں 2020 میں ہونے والی تعطیلات کا کیلنڈر جاری کر جاری کردیا، جس میں پبلک اور بینک تعطیلات شامل ہیں، مجموعی طور پر سالانہ تعطیلات کی تعداد 36 ہے۔

تفصیلات کے مطابق وفاقی وزارت داخلہ نے سال 2020 کیلئے مذہبی تہواروں اور قومی ایام پر اختیاری اور عام تعطیلات کا سالانہ کیلنڈر جاری کر دیا ہے۔

وفاقی حکومت کی جانب سے جاری کردہ سرکلر کے مطابق سال 2020 میں 10 عوامی تعطیلات ہوں گی، جس میں عیدالفطر، عیدالاضحی، مزدورڈے ، کشمیر ڈے ، یوم پاکستان ، یوم عاشورہ ، عید میلادالنبی اور قائداعظم کا یوم پیدائش شامل ہیں۔

وفاقی حکومت کی جانب سے  جاری کردہ سرکلر کے مطابق 5 فروری 2020 کو کشمیر ڈے، 23 مارچ 202 کو یوم پاکستان، 1 مئی کو مزدورڈے کے موقع پرعام تعطیل ہو گی۔

عیدالفطر کے موقع پ 25، 26 اور 27 مئی 2020ء کے دن عام تعطیل ہو گی، چاند کی رویت سے اس میں ردوبدل ہو سکتا ہے، عیدالاضحی پر 31 جولائی، یکم اور 2 اگست 202 کے دن چھٹیاں ہوں گی جبکہ یوم آزادی کے موقع پر 14 اگست کو بھی عام تعطیل ہو گی۔

کیلنڈر کے مطابق عاشورہ محروم (9، 10 محرم) کے حوالہ سے بمطابق 29 اور 30 اگست کو 2 چھٹیاں ہوں گی اور عید میلادالنبی کے حوالہ سے 12 ربیع الاول 1442ھ بمطابق 30 اکتوبر کو عام تعطیل ہو گی۔

قائداعظم کے یوم پیدائش اور کرسمس کے پر 25 دسمبر 2020 کو بھی پاکستان بھر میں چھٹی ہو گی اور 26 دسمبر 2020ء کو (صرف مسیحی برادری) کیلئے اختیاری چھٹی ہوگی۔

کیلنڈر میں سال 2020 کیلئے بینک تعطیلات کا بھی اعلان کر دیا گیا ہے، ان تعطیلات پر مائیکرو فنانس بینک عوام الناس کیلئے بند رہیں گے تاہم اپنے ملازمین کیلئے کھلے ہوں گے، جس میں یکم جنوری ، 24 اپریل کو 1 رمضان اور 1 جولائی کی چھٹیاں شامل ہیں۔

سرکلر میں 23 اختیاراتی تعطیلات کا بھی اعلان کیا گیا،جو ادارہ کے سربراہ سے پیشگی اجازت سے کی جا سکیں گی، ان تعطیلات میں سال نو یکم جنوری بسنت، ہولی، شب معراج (27 رجب ) ، شب برات (15 شعبان ) شامل ہیں۔

سرکاری ملازمین یہ چھٹیاں اپنے ادارہ کے سربراہ کی اجازت سے حاصل کر سکیں گے اور مسلمان ملازمین کیلئے صرف ایک جبکہ غیر مسلم ملازمین کیلئے تین اختیاری چھٹیوں تک کی گنجائش ہو گی۔

پاکستان اور سعودی عرب کے مابین حج معاہدہ 2020ء طے پا گیا