بارہ کہو کے ایریا میں چار سالہ بچے کے قتل کا معاملہ ،حساس اداروں کی مدد سے پولیس نے سرکاری ملازم کے بچے کی ڈیڈ باڈی برآمد کر لی۔

تفصیلات کے مطابق سفاک قاتلوں نے وارادت کے بعد بچے کو ٹیپ لگا کر الماری میں بند کر دیا تھا۔

بارہ کہو سے لاپتہ ہونے والے بچہ عمر کی چار روزہ بعد لاش ملی والدین غم نے نڈھال بچے کی لاش پوسٹمارٹم کے لیے پولی کلینک ہسپتال پہنچا دی گئی۔

ذرائع کا کہنا ہے کہ پولیس نے مالک مکان ،قریب رشتہ دار سمیت چار افراد کو حراست میں لےکر تحقیقات شروع کر دی ہے۔

ولیس حکام نے ملزمان کی تلاش شروع کی تو اغوا اور قتل میں ملوث چار افراد کی شناخت ہوئی جن میں مقتول عمر کا کزن حمزہ اور اُس کے تین دوست آفتاب، یاسر اور اسد شامل تھے۔

پولیس افسر وقار الدین سید کے مطابق ملزمان نے بچے کو کرائے کے گھر میں رکھ کر ٹیپ سے جکڑا ہوا تھا جس کی وجہ سے اُس کی موت ہوئی، ملزمان نے تاوان کے لیے اہل خانہ سے کوئی رابطہ نہیں کیا تھا۔

پولیس حکام کے مطابق ملزمان نے دورانِ تفتیش اس بات کا اعتراف کیا کہ بچے کو تاوان کے لیے اغوا کیا تھا۔ ڈی آئی جی اسلام آباد کا کہنا تھا کہ ملزمان سے مزید تفتیش کی جائے گی تاکہ واقعے میں ملوث تمام افراد کو کیفر کردار تک پہنچایا جائے۔