عوامی نیشنل پارٹی کے مرکزی سیکرٹری جنرل میاں افتخارحسین نے کہا ہے کہ عدالتی فیصلوں کی بنیاد آئین اور قانون ہے، جسے ماننا ہی آئین کی بالادستی ہے۔

 تفصیلات کے مطابق تحصیل پبی نوشہرہ کے تنظیمی اجلاس سے خطاب عوامی نیشنل پارٹی کے مرکزی سیکرٹری جنرل میاں افتخارحسین نے کہا کہ آئین کی بالادستی پاکستان کی بقا کی ضمانت ہےاو ر اے این پی عدالتوں سمیت ہر ادارے کا احترام کرتی ہے۔

اپنے بیان میں عوامی نیشنل پارٹی کے مرکزی سیکرٹری کا کہناتھا کہ پاکستان سب کا ہے اور ہر کوئی انصاف کا برابر حقدار ہے لیکن یوٹرن کا عادی سلیکٹڈ وزیراعظم آج اپنے بیانات بھی بھول چکا ہے۔

 سیکرٹری جنرل میاں افتخارحسین کا یہ بھی کہنا تھا کہ پاکستان میں شفاف انتخابات اورغیرجانبدار الیکشن کمیشن کی اشد ضرورت ہے اور الیکشن کمیشن کے جانبدار کردار کی وجہ سے ہی دھاندلی کی آوازیں اٹھ رہی ہیں ۔

عوامی نیشنل پارٹی نے جلسہ گاہ میں پہلے ہی پنڈال سجالیا

عوامی نیشنل پارٹی کے مرکزی سیکرٹری جنرل میاں افتخارحسین کا مزید کہنا تھا کہ کارکنان فخرافغان باچاخان اور رہبرتحریک خان عبدالولی خان برسی تقریب کیلئے تیار رہیں جبکہ آئین اور قانون کی نظر میں سب برابر ہیں کیونکہ امتیازی سلوک نظام کو مزید کمزور کرے گا ۔

 واضح رہے اس سے قبل سربراہ اے این پی سفندیار ولی خان نے بھی جلسے سے خطاب کرتے ہوئے کہا  تھا کہ مولانا فضل الرحمٰن نے جنگ کا بگل بجھا دیا ہے اور میں نے ان کو کہا کہ میں آپ کے ساتھ ہوں اگر کوئی یہ تاثر دینا چاہتے ہیں کہ اپوزیشن میں کوئی دراڑ ہے تو یہ غلط ہے۔

سربراہ اے این پی نے یہ بھی کہا  تھا کہ آج غریب سے کوئی پوچھنے والا نہیں ہے، الیکشن چرایا گیا ہے اگر آج کوئی چور ہے تو وہ کپتان ہے اس نے عوام کا مینڈیٹ چوری کیا ہے۔

اسفند یار ولی کا  مزیدکہنا تھا کہ میں کپتان کو چیلنج کرتا ہوں اور آپنے خاندان کی ساری جائیداد سامنے رکھتا ہوں اگر کوئی چوری ثابت ہوئی تو سر عام پھانسی دی جائے۔