وزیراعظم عمران خان دسمبرکےآخرمیں فیصل آبادمیں علامہ اقبال انڈسٹریل سٹی کاافتتاح کریں گے۔

تفصیلات کےمطابق وزیراعظم عمران  خان رواں ماہ کےآخری ہفتےمیں سی پیک کے تحت فیصل آبادمیں بننےوالےجدید ترین علامہ اقبال انڈسٹریل سٹی کاافتتاح کریں گے۔

جس میں غیرملکی اورمقامی سرمایہ کاروں کوبہترین سہولیات میسرآئیں گی اورملک میں معاشی سرگرمیوں کوفروغ حاصل ہو گا۔

فیصل آباد انڈسٹریل اسٹیٹ ڈویلپمنٹ اینڈ مینجمنٹ کمپنی (فیڈمک) کے چیئرمین میاں کاشف اشفاق نے جمعہ کومیڈیا سےگفتگو کرتےہوئےکہاکہ یہ امر انتہائی خوش آئند ہے کہ وزیر اعظم عمران خان اپنی پوری توجہ ملک میں معاشی نمو پرمرکوکئےہوئےہیں۔

ان کامزیدکہناتھاکہ تجارت اورسرمایہ کاری موجودہ حکومت کی خارجہ پالیسی کاایک اہم ستون ہے جس کی وجہ سے پاکستان کے حوالے سے دنیا بھر میں ایک مثبت سوچ پروان چڑھی ہے۔

 فیڈمک کے ترقیاتی منصوبوں پر روشنی ڈالتے ہوئے میاں کاشف اشفاق نے کہا کہ اس منصوبے میں تقریباً 357 ارب روپے کی بیرونی اور مقامی سرمایہ کاری ہو رہی ہے جو اس بات کا مظہر ہے کہ حکومت نے سرمایہ کاروں کا مکمل اعتماد حاصل کر لیا ہے۔

اس منصوبےکےحوالے چیئرمین(فیڈمک)نےبتایاکہ علامہ اقبال انڈسٹریل سٹی 4 ہزار ایکڑ رقبےپربنایاگیاہےجوموٹروےایم فورپرساہیاں والاانٹرچینج فیصل آباد کے قریب واقع ہے۔ اس کے مین بولیوارڈ،داخلی گیٹ اورباونڈری وال کو چھ ماہ کےاندرمکمل کرلیاجائےگا۔

 علامہ اقبال انڈسٹریل سٹی میں مختلف نوعیت کے نئے صنعتی یونٹ تعمیر کیے جائیں گے۔ شہر کے متعدد گنجان علاقوں میں پہلے سے قائم صنعتی یونٹس کو بھی اس نئے انڈسٹریل اسٹیٹ میں منتقل کردیا جائے گا۔

انہوں مزیدکہا کہ وزیراعلیٰ پنجاب عثمان بزداربھی اس منصوبےکی جلد تکمیل میں گہری دلچسپی لے رہے ہیں اور متعلقہ احکام کو انہوں نے واضح ہدایات دی ہیں کہ اس منصوبے کی تکمیل کی راہ میں حائل رکاوٹوں کوجلدازجلددورکیاجائے۔

 میاں کاشف نےمزیدکہاکہ فیڈمک کے تحت مختلف منصوبوں میں روزگار کے اڑھائی لاکھ مواقع پیدا ہونے کا امکان ہے۔ نوجوانوں کو نئی اور جدید نوعیت کی ملازمتوں کے لئے تیار کرنے کی غرض سے فیڈمک متعلقہ شعبوں کے لئے قلیل مدتی تربیتی کورسز شروع کرنے کا منصوبہ بنا رہا ہے۔

 پاکستان میں بڑھتی ہوئی بےروزگاری کےبارےمیں کہاکہ بےروزگاری ملک کو درپیش بڑے چیلنجوں میں سے ایک ہے۔ ورلڈ بینک کے حالیہ اعدادوشمار کےمطابق تقریباً 6 فیصدپاکستانی بےروزگارہیں اوراس مسئلےکوحل کرنےکےلئےروزگارکےنئےمواقع پیداکرنےکی ضرورت ہے۔

اس منصوبے  کے زریعے   تربیت یافتہ اور ہنر مند مزدوروں اور انجینئرز کو نہ صرف خصوصی اقتصادی زون میں اچھی ملازمتیں مل سکیں گی بلکہ چینی اور مقامی کمپنیوں کو بھی مقامی طور پر تربیت یافتہ افرادی قوت میسر آ سکے گی۔

 انہوں نے مزید کہا کہ ایکسپورٹ پراسیسنگ زون کی تمام صنعتوں، پلانٹس ، مشینری ، خام مال اور دیگر سازوسامانکو 10 سال کے لئے ٹیکس سے استثنیٰ حاصل ہو گا۔ انہوں نے کہا کہ اسٹریٹجک متبادل کی حیثیت سے سی پیک کی اہمیت بہت زیادہ ہے اس سے معاشی سرگرمیوں کو بھی فروغ مل رہا ہے۔

انہوں نے کہا کہ فیڈمک بین الاقوامی سرمایہ کاروں کو راغب کرنے کے لئے دو سال کے اندر اندر کاروباری آسانیوں کی درجہ بندی کو مزید بہتر اور 100 سے کم کرنے کے لئے پرعزم ہے.