ایم کیو ایم کی جانب سے بلاول بھٹو کی پیشکش کو ٹھکراتے ہوئے ترجمان ایم کیو ایم پاکستان نے کہا ہے کہ وفاقی حکومت سے اتحاد کراچی کے مفاد کی خاطر کیا ہے، وزارتوں کے لئے نہیں ہے۔

تفصیلات کے مطابق ایم کیو ایم کا موقف پیش کرتے ہوئے کہا ہے کہ وفاقی حکومت کی ڈیڑھ سالہ کارکردگی سے مطمئن نہیں لیکن حکومت سے علیحدگی کا فیصلہ کسی کی خواہش پر نہیں کرینگے۔

پارٹی کے ترجمان نے کہا ہے کہ ایم کیو ایم وزارتوں کے بجائے عوامی حقوق کی سیاست کر رہی ہے۔

ایم کیو ایم نے مطالبہ کیا ہے کہ بلاول بھٹو اپنی جماعت کے بارہ سالہ دور حکومت میں سندھ اور بالخصوص کراچی کے ساتھ ہونیوالی زیادتیوں کے ازالے کو اپنے ایجنڈا میں شامل کریں۔

کراچی کے مسائل حل کرنے کے لئے ساتھ بیٹھ سکتے ہیں، وسیم اختر

ایم کیو ایم کو وزارتوں کی پیشکش کے بجائے بلاول بھٹو مقامی حکومتوں کے نظام کو بااختیار بنائیں ۔

پیپلز پارٹی سندھ اسمبلی میں مقامی حکومتوں کو بااختیار بنانے کے قانون میں ترمیمی بل لائے تو متحدہ بھرپور ساتھ دے گی۔

ترجمان کا کہنا ہے کہ پیپلز پارٹی اگر سندھ کے شہری علاقوں کے ساتھ کی جانے والی زیادتیوں اور کی تلافی چاہتی ہے تو واٹربورڈ،  کےڈی اے، ایل ڈی اے اور بلڈنگ کنٹرول سمیت تمام شہری اداروں کو مقامی حکومت کے ماتحت کرے۔

انہوں نے مزید کہا کہ سالانہ ساڑھے تین سو ارب روپے صوبائ حکومت کو دینے کے باوجود کراچی کی تقدیر نہیں بدلی اور جتنے بھی ترقیاتی منصوبے وفاق یا سندھ حکومت نے شروع کئے ہیں وہ کراچی کے لئے ناکافی ہیں۔

انہوں نے کہاں کہ ہماری پارٹی کی سیاست وزارتوں کے لئے نہیں بلکہ صوبے کے عوام کی فلاح و بہبود کے لئے ہے ۔

ترجمان نے کہا ہے کہ ایم کیو ایم سندھ کے شہری علاقوں کی واحد نمائندہ جماعت ہے جو زیادتیوں پر آواز بلند کر رہی ہے۔

واضح رہے کہ اس سے قبل راچی میں تقریب سے خطاب کرتےہوئے بلاول کا کہناتھا کہ ایم کیوایم پاکستان کوسندھ حکومت میں شمولیت کی پیشکش کرتاہوں،شہرقائد کی عوام جانتی ہے کہ عمران خان نےانہیں دھوکا دیا، کراچی کوجلد مسائل سے نکالا جائے۔

انہوں نے کہاکہ ہم اپنےلوگوں کوسہولتیں فراہم کرتےہیں،ہم نے پرائیویٹ سیکٹر کے ساتھ مل کر کام کیا ہے، اب بھی صوبےکےلوگوں کےلئےصحت،تعلیم اوردیگرمعاملات پر کام کررہےہیں۔

بلاول کاکہناتھا کہ بےنظیراِنکم سپورٹ پروگرام سے8لاکھ لوگوں کونکالنےپرتشویش ہے، حکومت کے اقدامات غریب دشمنی کی مثال ہیں۔