اپوزیشن جماعت مسلم لیگ (ن) کے جنرل سیکریٹری احسن اقبال نے کہا ہے کہ شہباز شریف نے جن جائیدادوں کو ڈکلیئر کیا ہوا ہے، انہیں سیل کرنا زیادتی ہے۔

تفصیلات کے مطابق اپوزیشن جماعت مسلم لیگ (ن) کے جنرل سیکریٹری احسن اقبال نے میڈیا سے گفتگو کرتے ہوئے کہا کہ ماڈل ٹاؤن کی پراپرٹی شہباز شریف کو وراثت میں ملی، جو ڈکلیئر بھی ہے اسلئے ہم شہبازشریف کے خلاف من گھڑت کہانی اور کاروائی کی مزمت کرتے ہیں۔

اپنے بیان میں اپوزیشن جماعت مسلم لیگ (ن) کے جنرل سیکریٹری نےکہا کہ حکومت اپوزیشن کے ساتھ محاذ آرائی اور ملک میں سیاسی درجہ حرارت بڑھانا چاہتی ہے۔

احسن اقبال نے یہ بھی کہا کہ ہمیں حکومت کی نیت پر انہیں شک ہے، حکومت آرمی چیف کے نوٹس کے ساتھ کھیل رہی ہے، وہ سنجیدہ ہوتی تو اپوزیشن کے ساتھ تدبر کا رویہ اپناتی۔

مسلم لیگ (ن) کے جنرل سیکریٹری کا کہنا تھا کہ ہم الیکشن کمیشن کے ممبران اور چیف الیکشن کمشنر کی تعیناتی میں میرٹ پر آگے بڑھ رہے ہیں جبکہ آرمی چیف ایکسٹینشن پر اپوزیشن جماعتوں کے مشورے اور حکومتی رویے دیکھ کر قانون کے مطابق فیصلہ کریں گے۔

احسن اقبال کا یہ بھی کہنا تھا کہ حکومت پر برہمی کا اظہار کرتے ہوئے احسن اقبال کا کہنا تھا کہ  حکومت قومی اداروں کے ساتھ خطرناک کھیل کھیل رہی ہے، وہ ملک میں سیاسی درجہ حرارت بڑھانا چاہتی ہے۔

اپوزیشن جماعت مسلم لیگ (ن) کے جنرل سیکریٹری احسن اقبال کا مزید کہنا تھا کہ عمران نیازی کو بات کرنی ہے تو خود آمنے سامنے بیٹھ کر بات کرے کیونکہ عمران نیازی کے وزیروں سے اب بات نہیں ہوگی۔

واضح رہے کہ لاہور میں مسلم لیگ ن کے رہنماوں کی پریس کانفرنس کے دوران احسن اقبال کا کہنا تھا کہ ملکی معیشت کی تنزلی ایک ڈراونا خواب بن چکی ہے۔ 10 لاکھ افراد بے روزگار ہوگئے ہیں اور وزیر اعظم اپنی معاشی کابینہ کو مبارکباد دپیش کر رہے ہیں ۔

احتساب کےحوالےسےاحسن اقبال کا کہنا تھا کہ نیب کی پکڑسےبچاوپی ٹی آئی میں شامل ہونےکے انجکشن ہیں ۔ پی ٹی آئی کے قطرے بھی پی لیں تو احتساب سے بچ جائیں گے۔