خواجہ برادران کے جوڈیشل ریمانڈ میں توسیع

منیر باجوہ

09th Dec, 2019. 11:09 am
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

خواجہ برادران کے جوڈیشل ریمانڈ میں توسیع

احتساب عدالت نے پیرا گون ہاؤسنگ کیس میں خواجہ برادران کے جوڈیشل ریمانڈ میں 23 دسمبر تک توسیع کر دی۔

تفصیلات کے مطابق احتساب عدالت کے جج جواد الحسن نے پیراگون ریفرنس میں خواجہ برادران کے خلاف کیس کی سماعت کی۔
عدالت نے خواجہ سعد رفیق کو اجلاس کے لیے اسلام آباد جانے کی اجازت بھی دے دی ہے۔

ذرائع کے مطابق خواجہ سعد رفیق نے کہا ہے کہ عدالت میں کچھ کہنا چاہتا ہوں، اوپن کورٹ میں ٹرائل ہر شخص کا بنیادی حق ہے، ہر کوئی کیس سن سکتا ہے، میرے کیس میں کورٹ رپورٹرز کو کمرہ عدالت میں نہیں آنے دیا جا رہا۔

سعد رفیق نے کہا کہ میرے کیس میں عوام سے حقائق چھپائے جا رہے ہیں، پولیس ہر پیشی پر وکلا، رپورٹرز اور سائیلین کو کمرہ عدالت میں آنے سے روکتی ہے۔

عدالت نے جواب میں کہا کہ وکلا اور رپورٹرز کو عدالت میں آنے سے نہ روکا جائے۔

جج جواد الحسن نے پولیس سے استفسار کیا اگر آپ سیکیورٹی نہیں کر سکتے تو میں یہاں رینجرز بلا لوں گا۔