وزیراعظم عمران خان سے سعودی وزیرخارجہ فیصل بن فرحان السعود کی ملاقات ہوئی ہے۔

تفصیلات کے مطابق وفاقی دارالحکومت اسلام آباد میں وزیراعظم عمران خان سے سعودی وزیر خارجہ فیصل بن فرحان السعود کی ملاقات ہوئی ، جس میں دو طرفہ تعلقات اور باہمی دلچسپی کے امورپرتبادلہ کیا گیا جبکہ مقبوضہ کشمیر سمیت اہم علاقائی امورپرمشاورت جاری رکھنے پر  بھی اتفاق کیاگیا۔

وزیراعظم نے دونوں ممالک کے درمیان بڑھتے معاشی تعلقات کو سراہا جبکہ پاکستان میں سرمایہ کاری کے سعودی وعدے کی بھی تعریف کی۔

ملاقات میں وزیر اعظم نے سعودی وزیر خارجہ کو مقبوضہ کشمیر کی صورتحال سے آگاہ کرتے ہوئے ےکہا کہ مقبوضہ جموں و کشمیر میں انسانی صورتحال بگڑ رہی ہے۔

وزیراعظم نے کہا کہ پاک سعودیہ تعلقات تاریخی، برادرانہ اور گہرے ہیں جبکہ سعودی ولی عہد کے گزشتہ دورہ پاکستان سے دونوں ممالک کے دو طرفہ تعاون میں اضافہ ہوا۔

عمران خان نے پاک سعودیہ تعلقات کی اہمیت پر زور دیتے ہوئے کہا کہ امید ہے سعودی ٹیم سیاحت میں سرمایہ کاری کے لئے جلد پاکستان کا دورہ کرے گی۔

وزیر اعظم نے ہندوستان میں شہریت سے متعلق نئے  امتیازی قانون پر سعودی وزیر خارجہ کو آگاہ کرتے ہوئے کہا کہ بھارتی حکومت اقلیتوں بالخصوص مسلمانوں کی پسماندگی اور ان کے حق تلفی کی منظم کوششوں میں مصروف ہے۔

 وزیراعظم عمران خان نے مزید کہا کہ ایل او سی پر بھارتی کے جنگی اقدامات خطہ میں مزید تناؤ کا باعث بنیں گےاسلئے عالمی برادری مقبوضہ کشمیری عوام کے حقوق کی فراہمی کےلئے کردار ادا کرے۔

اس موقع پر سعودی وزیر خارجہ نے فرمانروا اور ولی عہد کی جانب سے خطے میں استحکام کے لئے پاکستانی کوششوں کو سراہاتے ہوئے دونوں ممالک کے درمیان تعلقات کی مزید بہتری کے عزم کو  بھی دہرایا۔

سعودی وزیر خارجہ فیصل بن فرحان السعود سے ہونے والی ملاقات میں وزیر خارجہ شاہ محمود قریشی، ڈی جی آئی ایس آئی لیفٹیننٹ جنرل فیض حمید اور سیکریٹری خارجہ بھی موجود تھے۔

سعودی وزیرخارجہ اسلام آباد پہنچ گئے

واضح سے قبل وزیر خارجہ شاہ محمود قریشی سے سعودی وزیرخارجہ فیصل بن فرحان السعود نے وزارت خارجہ میں ملاقات کی تھی جس میں باہمی دلچسپی کے امور،دوطرفہ تعلقات پرتبادلہ خیال کیاگیا جبکہ دونوں وزرائے خارجہ نے اہم امورپرباہمی مشاورت جاری رکھنے پر بھی اتفاق کیا تھا ۔

اس موقع پر وزیر خارجہ نے مقبوضہ کشمیر پر پاکستانی مؤقف کی حمایت پر سعودی قیادت کا شکریہ بھی ادا کیا۔

وزیر خارجہ شاہ محمود قریشی کا کہنا تھا کہ پاکستان اور سعودی عرب میں دیرینہ برادرانہ تعلقات ہیں۔ انہوں نے کہا کہ کثیر الجہتی شعبہ جات میں دو طرفہ تعاون کو مستحکم کرنے کے لیے پرعزم ہیں۔