وزیر اعظم عمران خان نے کامیاب جوان پروگرام کے تحت نوجوانوں میں چیکس تقسیم کئے اور اس موقع پر تقریب سے خطاب بھی کیا۔

تفصیلات کے مطابق وزیراعظم عمران خان نے تقریب سے خطاب کرتے ہوئے کہا کہ نوجوانوں پرتوجہ دیں تو یہ پاکستان کو ترقی دیں گے، یہ ابتداء ہے انشا اللہ مزید منصوبے بھی آئیں گے۔

وزیر اعظم نے کہا ہے کہ پروگرام میں سب سے زیادہ شفافیت اور میرٹ کا خیال رکھنا ہے، لوگوں کو بڑی امید ہے حکومت کاروبار کے لیے سہولت فراہم کرے گی۔

وزیراعظم نے مزید کہا کہ ایک لاکھ 90 ہزار خواتین نے قرضوں کے لیے درخواستیں دیں، پروگرام کی بڑی بات یہ ہے کہ حکومت سہولت فراہم کررہی ہے۔

ان کا کہنا تھا کہ بیرون ملک پاکستانیوں کو دیکھیں ان پر فخر ہوگا، بیرون ملک ہر شعبے میں آپ کو کامیاب پاکستانی ملیں گے، ہم نے اسی طرح پروگرام میں میرٹ کو سامنے رکھنا ہے، کمپیوٹرائز پروگرام کی وجہ سے منصوبہ شفاف ہوگا۔

Advertisement

Applications for loans were processed through an online digital platform providing a hassle free & a transparent opportunity to our youth. Ensuring 100% transparency for youth initiatives remains our top priority. #KamyabJawan pic.twitter.com/n0VoJT6lf1

— Kamyab Jawan (@KamyabJawanPK) December 6, 2019

ذرائع کے مطابق کامیاب جوان پروگرام کے پہلے مرحلے میں100 ارب روپے مختص کیے گئے ہیں۔

اس پروگرام کے تحت1 سے50 لاکھ تک کے چیک نوجوانوں کو دئیےگئے ہیں۔ پروگرام کے تحت فاٹا اور قبائلی اضلاع سمیت ملک بھر سے نوجوانوں کو رقوم کی ادائیگی ہوگی۔

وزیر اعظم کے معاون خصوصی عثمان ڈار کا کہنا ہے کہ کامیاب جوان پروگرام منصوبہ خواب سے حقیقت بن رہا ہے، وزیراعظم آج نوجوانوں سے کیا ہوا اپناوعدہ پورا کرنے جارہے ہیں۔

عثمان ڈار نے کہا کہ ہم نوجوانوں کو ملک کی معاشی طاقت بنائیں گے، پروگرام کے تحت لاکھوں نوجوانوں نے کاروبارکی خواہش کااظہار کیا۔

وزیر اعظم کے معاون خصوصی نے مزید کہا کہ حکومت نوجوانوں کوروزگار کی فراہمی کا اہم موقع دے رہی ہے، منصوبے نے نوجوانوں میں مقبولیت کا ریکارڈ قائم کیا ہے