وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان  نے کہا ہے کہ بلاول بھٹو کا نیب نوٹس کو پرویز مشرف  کے ساتھ جوڑنا  ٹھیک نہیں ہے۔

تفصیلات کے مطابق معاون خصوصی ڈاکٹر فردوس عاشق اعوان نے سیالکوٹ میں میڈیا بات چیت میں چیئرمین پیپلز پارٹی بلاول بھٹو پر  تنقید کرتے ہوئے کہا ہے کہ بلاول اگر سچے ہیں تو نیب نوٹس کا جواب کیوں نہیں دیتے کیونکہ ان کے والد نے پرویز مشرف کو ریڈ کارپٹ پر رخصت کیا تھا۔

فردوس عاشق نے مسلم لیگ ن کی نائب صدر مریم نواز کے متعلق بات چیت کرتے ہوئے کہا ہے کہ  کابینہ اجلاس میں  مریم نواز کی درخواست کا منگل کو  تفصیلی جائزہ لیا جائے گا، مریم نواز نرس کی حیثیت سے جانا چاہتی ہیں ہیں یا ڈاکٹر کی حیثیت سے ان کے وکلا کو ثابت کرنا ہوگا کہ سہولت کار کے بغیر بیمار ٹھیک نہیں ہوسکتا۔

مریم نوازکی ایک اوردرخواست دائر

فردوس عاشق اعوان نے کہا کہ ن لیگ دو بیانیوں میں پھنسی ہوئی ہے اس کے مفادات نظریے میں قید ہے، شہباز شریف اور نوازشریف کے بیانیے الگ الگ ہیں۔

معاون خصوصی کا کہنا تھا کہ پاک فوج نے بھارتی فوج کے ہر محاذ دانت کھٹے کر دیئے ہیں، ہندوستان کے چپے چپے میں مودی کے پَتلے جلائے جارہے ہیں۔

انہوں نے مزید کہا کہ بھارتی پائلٹ ابھی نندن کی واپسی ہندوستان کے منہ پر امن کا طمانچہ ہے، پاکستانی فوج عوام یکجہتی سے مودی کی انتہا پسندی کا مقابلہ کرتے رہیں گے۔

واضح رہے کہ لاہور ہائیکورٹ میں مسلم لیگ ن کی مرکزی نائب صدر مریم نواز نے اپنا نام ایگزٹ کنٹرول لسٹ (ای سی ایل ) سے نکلوانے کیلئے ایک اور درخواست دائر کردی ہے، درخواست میں وفاقی حکومت، وزارت داخلہ، چیئرمین نیب اور ڈی جی نیب سمیت دیگر کو فریق بنایا گیا ہے۔