کراچی کے چڑیا گھر میں کھانا دینے والے ملازم پر شیر نے حملہ کردیا۔

تفصیالت کے مطابق ڈائریکٹر چڑیا گھر کا کہنا ہے کہ ملازم شیر کے پنجرے میں کھانا دینے گیا تھا جبکہ شیر نے حفاظتی پردہ ٹھیک کرتے ہوئے ملازم پر حملہ کیا تھا۔

انکا مزید کہنا تھا کہ شیر کو سردی سے بچانے کے لئے پنجرے میں پردہ لگایا گیا ہے جبکہ ملازم معمولی زخمی ہوا ہے۔

انہوں نے بتایا کہ زخمی ہونے والے ملازم کو ابتدائی طبی امداد کے بعد فارغ کردیا گیا ہے جبکہ ملازم پنجرے کے اندر نہیں گیا تھا، ملازم پنجرے کے باہر سے ہی پردہ ٹھیک کررہا تھا۔

اد رہے کہ رواں سال اپریل میں اسلام آباد کے چڑیا گھر میں ایک بیمار ریچھ کی ویڈیو سوشل میڈیا پر وائرل ہوئی تھی جس پر صارفین نے چڑیا گھر انتظامیہ کو شدید تنقید کا نشانہ بنایا تھا بعدازاں وہ ویڈیو جعلی نکلی تھی۔

سوزی (ریچھ ) کو بہتر خوراک اور گرمی سے بچاؤ کے لیے برف کی سیلیں بھی رکھی ہوئی تھیں جبکہ شہریوں کی بڑی تعداد بھی سوزی کو دیکھنے کے لیے موجود تھی۔

ایک شہری کا کہنا تھا کہ ہم بھی ویڈیو وائرل ہونے کے بعد سوزی کو دیکھنے آئے تھے لیکن شکر ہے کہ یہ تو بالکل ٹھیک حالت میں ہے اور برف کے سلیپس بھی رکھے ہوئے ہیں۔