چیئرمین پیپلز پارٹی بلاول بھٹو کا کہنا ہے بے نظیر انکم سپورٹ پروگرام سے آٹھ لاکھ افراد کو خارج کرنا ظالمانہ اقدام ہے، اس سے غریب خواتین کو شدید مشکلات کا سامنا ہوگا۔

کئی شہریوں نے بھی فیصلے کی مخالفت کی ہے، تاہم بہت سے افراد کا کہنا ہے کہ اگر درست اسکروٹنی کر کے غیر مستحق افراد کو پروگرام سے نکال باہر کیا گیا ہے تو یہ بالکل درست فیصلہ ہے۔

چیئرمین بلاول بھٹو کا کہنا ہے کہ حکومت نے غیر مستحق افراد کو بے نظیر انکم سپورٹ پروگرام سے نکالا گیا ہے انہوں نے مزید کہا کہ حکومت نے غریبوں پر وار کیا ہے۔

بیان میں بلاول بھٹو نے کہا کہ یہ فیصلہ خواتین کو خودمختار بنانے کے عمل پر حملہ ہے، حکومت فیصلہ واپس لے، ورنہ پیپلز پارٹی ہر فورم پر اس کی مخالفت کرے گی۔

6 لاکھ سےزائد افراد کوبینظیر انکم سپورٹ پروگرام سےنکالنےکافیصلہ

کئی شہریوں نےبھی اس فیصلے کی مذمت کی ہے اور کہا ہے کہ کسی بھی حکومت نے اگر کوئی فلاحی اقدام کیا ہے تو اس کی حمایت کی جانی چاہیئے جبکہ بہت سے شہریوں کا کہنا ہے کہ اگر غیر مستحق افراد بے نظیر انکم سپورٹ پروگرام سے فائدہ اٹھا رہے ہیں تو ان کا نام فوری طور پرخارج کیا جانا چاہیئے۔

گزشتہ روز وفاقی کابینہ فیصلہ کیا تھا کہ بے نظیر انکم سپورٹ پروگرام سے ناجائز فائدہ اٹھانے والے آٹھ لاکھ سے زائد غیر مستحق افراد کے کارڈ منسوخ کردیئے جائیں گے۔

واضح رہے کہ اس سے قبل وزیراعظم کی معاون خصوصی اور چئیرپرسن بینظیر انکم سپورٹ پروگرام ڈاکٹرثانیہ نشترنے کہاہے کہ بی آئی ایس پی پروگرام سے8لاکھ افرادکوخارج کررہےہیں،یہ پروگرام نادارافرادکےلئےقائم کیا گیا تھا جس کی شفافیت کوہرممکن یقینی بنائیں گے۔

ثانیہ نشترنے اسلام آباد میں پریس کانفرس کرتے ہوئے کہاکہ یہ فیصلہ جامع پالیسی کے تحت کیا گیا، 10سال پہلے ایک سروے کے تحت ضرورت مندوں کا اندراج کیا گیا تھا،اب ان کے لیے نادرا کے ذریعے طریقہ کار بنایاگیا ہے۔

ثانیہ نشتر نے کہاکہ فیصلہ کیاگیاہےکہ  سرکاری ملازم بینظیرانکم سپورٹ پروگرام کااہل نہیں ہوسکتا،نادرا اہم ادارہ ہے ، ہر شخص کا تمام ڈیٹا محفوظ رکھتا ہے۔

انہوں نے کہاکہ بینظیرانکم سپورٹ پروگرام کےلیےضرورت مند افراد کے تعین کا طریقہ بنالیا،غیر مستحق افراد کے نام نکالنے سے سالانہ 16ارب روپے کی بچت ہوگی ،غیر مستحق افراد کو 2011 سے ادائیگیاں کی جا رہی تھیں۔

وزیراعظم کی معاون خصوصی کاکہناتھاکہ سرکاری ملازم کسی بھی صورت غربت کی کم سے کم سطح پر نہیں آسکتا،بی آئی ایس پی پروگرام سے 8 لاکھ 20 ہزار 165 افراد کو نکالنے کا فیصلہ کیا۔