اے این پی خیبرپختونخوا کے صدر ایمل ولی خان کی چیئرمین پی پی بلاول بھٹو زرداری سے ملاقات ہوئی۔

ملاقات میں ضم اضلاع کے عوام کے جائز معاشی حقوق کے تحفظ کے لئے لائحہ عمل پر غور کیا گیا جبکہ ایمل ولی خان نے بلاول بھٹو زرداری سے آصف زرداری کی صحت سے متعلق دریافت کیا اور دونوں رہنمائوں نے خیبرپختونخوا کے معاشی وسائل قبضے میں لینے کے حوالے سے حکومتی قانون سازی کی مذمت کی

اس موقع پر بلاول بھٹو زرداری کا کہنا تھا کہ ترقی پسند سیاسی جماعتوں کو جمہوریت اور بنیادی انسانی حقوق کا ایجنڈا آگے لے کر بڑھنا چاہئیے۔

بلاول بھٹو زرداری سے ملاقات میں ایمل ولی خان نے کہا کہ نئے اضلاع منزل بل کے خلاف بھرپور مزاحمت کرینگے،قانونی کارروائی پر بھی غور جاری ہے۔

ایمل ولی خان کا کہنا تھا کہ آصف علی زرداری کو اپنے معالج کی سہولت نہ دینا ناانصافی ہے اسلئے آصف علی زرداری کو طبی سہولیات فوری طور پر دی جائے۔

ایمل ولی خان کا یہ بھی کہنا تھا کہ آصف علی زرداری کو جون سے جیل میں رکھا گیا ہےاور سابق صدر پہلے بھی11سال جیل کاٹ چکے ہیں۔

اے این پی خیبرپختونخوا کے صدر ایمل ولی خان کا مزید کہنا تھا کہ ریفرنس ابھی تک شروع نہ ہوسکا لیکن پھر بھی آصف زرداری اور سیاسی اتحادیوں کو اٹھارویں ترمیم کی سزا دی جارہی ہے۔

زرداری ہاوس میں ہونے والی ملاقات میں نیر بخاری اور فرحت اللہ بابر بھی موجود تھے۔

واضح رہے اس سے قبل بھی پیپلز پارٹی کے یوم تاسیس کے موقع پر مظفر آبادمیں ریلی سے خطاب کے موقع پر چئیرمین بلاول بھٹو نے کہا تھا کہ مقبوضہ کشمیر117دن سے کھلی جیل بناہواہے۔کمشیرپر قبضہ کرنے کی کوشش کئی سالوں سالوں سے کی جارہی ہے۔

بلاول کا کہنا تھا کہ مودی ایک انتہا پسند سوچ رکھنے والاانسان ہے،مودی پاکستان اور بھارت دونوں کیلئے خطرہ ہے۔