بلوچستان کے علاقے مچھ میں گاڑی کو حادثہ پیش آیا ہے جسکے نتیجے میں ٹیونس وین میں ایک ہی خںاندان کے 12 افراد زخمی ہوگئے ہیں۔

تفصیلات کے مطابق بلوچستان کے علاقے مچھ میں ہاشم ہوٹل کے قریب تیز رفتار ٹیونس وین بے قابو ہوکر  گہری کھائی میں گر گئی۔

پولیس ذرائع کا کہنا تھا کہ واقعہ کے فوراً بعد ایدھی کی ریسکیو ٹیم نے موقع پر پہنچ کر زخمیوں کو ایمبولینسس کے زریعے ڈی ایچ کیو اسپتال منتقل کردیا اسپتال منتقل کردیا گیا جہاں انھیں طبی امداد فراہم ی جارہی ہے۔

پولیس ذرائع کا مزید کہنا تھا کہ واقعہ میں ہونے والے زخمیوں میں خواتین اور بچے بھی شامل ہیں۔

واضح رہے اس سے قبل بھی کراچی میں تیز رفتار گاڑی نے اسکول کے دو بچوں کو کچل دیا تھا، حادثے میں ایک بچہ جاں بحق جبکہ دوسرا زخمی ہو گیا تھا۔

کراچی کے پوش علاقے ڈیفنس فیز ون میں بچے موٹر سائیکل پر اسکول سے گھر واپس جارہے تھے، حادثہ وین اور موٹرسائیکل میں ٹکر کے باعث پیش آیا، بچوں کی شناخت 8 سالہ حماد اور 10سالہ طحہٰ کے نام سے ہوئی تھی۔

واقعے کے بعد پولیس نے فوری کارروائی  کرتے  ہوئے  گاڑی کے ڈرائیور کوگرفتار کر لیا تھا۔

 علاوہ ازیں ڈبل کیبن اورپک اپ سوزوکی کے درمیان تصادم کے نتیجے میں ایک لڑکی جاں بحق اور خواتین سمیت 8 افراد زخمی ہوگئے تھے۔

حادثہ رات گئے ماڑی پورروڈ پر پیش آیا تھا  جہاں نشے میں دھت ڈرائيور نے ڈبل کيبن گاڑی سے سوزوکی کوٹکرماردی ، جس کے نتیجے میں پریتی نامی خاتون موقع پرہی جاں بحق ہوگئی تھی۔