نارتھ کراچی میں شہریوں نے دو بھاٸیوں کو ڈاکو قرار دے کر بدترین تشدد کرکے سیالکوٹ واقعے کی یاد تازہ کردی۔
تفصیلات کے مطابق کراچی کے علاقے خواجہ اجمیر نگری موبائل مارکیٹ کے قریب شہریوں نے 2بھائیوں کو اسٹریٹ کرمنلز قرار دے کر تشدد کا نشانہ بنانے کے بعد پولیس کے حوالے کردیا۔
شہریوں کا کہنا ہے کہ ملزمان اے ٹی ایم سے رقم نکالنے والے شہری سے لوٹ مار کے بعد فرار ہورہے تھے۔
پولیس کا کہنا ہے کہ مبینہ دونوں ڈاکو بھائی ہیں، ان کے پاس سے کوئی اسلحہ برآمد نہیں ہوا، وقوعہ پر ڈاکو قرار دے کر شہریوں نے بدترین تشدد کا نشانہ بنایا، مبینہ ملزموں سے برآمد موٹر سائیکل بھی ان کی اپنی ہے۔
پولیس کا کہنا ہے کہ دونوں بھائی نیو کراچی سیکٹر 11 ایف کے رہائشی ہیں، اب تک کوئی مدعی بھی مبینہ ڈاکوؤں کے خلاف سامنے نہیں آیا ہے۔
Advertisement
شہریوں کے تشدد سے زخمی ہونے والے شہریار اور تیمور کو عباسی شہید اسپتال منتقل کردیا گیا۔
شہریار کا کہنا تھا کہ لوگوں کو بتایا کہ میں ڈاکو نہیں ہوں، نیو کراچی کے رہائشی ہیں، سرجانی جارہے تھے کہ شہریوں نے پکڑ لیا، ہم دونوں بھائی گارمنٹس کا کام کرتے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
کومنٹس کریں
Advertisement
