وزیراعظم کے معاون خصوصی نوجوانان عثمان ڈار کی وزیر دفاع پرویز خٹک سے ملاقات ہوئی۔

ملاقات میں محمد عثمان ڈار نے پرویز خٹک کو کامیاب جوان پروگرام ‘‘کے بارے میں بریفنگ دی  جبکہ کامیاب جوان پروگرام کے مختلف منصوبوں میں پیش رفت بارے آگاہ کیا گیا۔

وزیراعظم کے معاون خصوصی نوجوانان عثمان ڈار  نے کہا کہ نوجوانوں کی مناسب تعلیم تربیت اورپیشہ وارانہ کارکردگی کوبہتر بنانے کیلئے حکومت تمام وسائل بروئے کار لا رہی ہے۔

پرویز خٹک نے کامیاب جوان پروگرام کو پاکستان اور نوجوانوں کے مستقبل کے بہترین قرار دیدیا۔

اس موقع پر پر  ویز خٹک نے کہا کہ نوجوان نسل پاکستان کا قیمتی اثاثہ ہے، پروگرام استعداد بڑھائے گا۔

پرویز خٹک نے یہ بھی کہا کہ خیبرپختونخوا،فاٹا اور بلوچستان کے دوردراز اورپسماندہ علاقوں کے نوجوانوں کو’’کامیاب جوان پروگرام‘‘ میں ترجیح دی جائے۔

وزیر دفاع پرویز خٹک  نے مزید کہا کہ حکومت کا وژن ہنرسے کاروبار تک ’’کامیاب جوان پروگرام‘‘ کے ذریعے نوجوان نسل کوپاکستان کی خدمت کیلئے  تیارکرنا ہے۔

وزیراعظم کے معاون خصوصی نوجوانان عثمان ڈار کی وزیر دفاع پرویز خٹک سے  ہونے والی اس ملاقات میں وزیر مملکت انسداد منشیات شہریار آفریدی بھی شریک ہوئے۔

ملکی ترقی وخوشحالی ہم سب کا یکساں ہدف ہے، عثمان ڈار

واضح رہے کہ اس سے قبل وزیراعلیٰ پنجاب کی وزیراعظم کے معاون خصوصی عثمان ڈار سے ملاقات ہوئی تھی۔

ملاقات وزیر اعظم سیکریٹریٹ میں معاون خصوصی کے آفس میں ہوئی، جس میں معاون خصوصی نے وزیر اعلیٰ پنجاب کو کامیاب جوان پروگرام پر تفصیلی بریفنگ دی گئی تھی۔

اس موقع پر وزیراعظم کے معاون خصوصی نے کہا تھا کہ کامیاب جوان پروگرام کے لئے 20 دنوں میں10 لاکھ لوگ اپلائی کرچکے ہیں جس پر وزیراعلیٰ پنجاب نے عثمان ڈار کو کامیاب جوان پروگرام کی کامیابی پر مبارکباد دی۔

وزیراعلیٰ پنجاب  نے ملاقات میں کہا تھا کہ وزیراعظم کامیاب جوان پروگرام عظیم قوم کی تعمیر میں اہم کردار ادا کرے گا۔

وزیراعلیٰ پنجاب کا یہ بھی کہنا تھا کہ پروگرام نوجوانوں کو قومی دھارے میں شمولیت کا آغاز بھی ہے، کامیاب جوان پروگرام پاکستان کے نوجوانوں کے روشن مستقبل کی طرف پہلا قدم ہے۔