ولی عہد شہزادہ شیخ محمد بن زاید النہیان نے  پاکستان میں کاروباری افراد  کے لئے ایس ایم ایز کی مدد کے لئے 20 کروڑ ڈالر مختص کرنے کی ہدایت کردی ہے۔

تفصیلاے کے مطابق ابو ظہبی کے ولی عہد شہزادہ اور متحدہ عرب امارات کی مسلح افواج کے ڈپٹی سپریم کمانڈر شیخ محمد بن زاید النہیان کے دورہ پاکستان کے بعد حکومتی اعلامیہ جاری کیا گیا ہے جس میں انہوں نے ہدایت کیا ہے کہ پاکستان میں چھوٹے اور درمیانے درجے کے کاروباری اداروں، ایس ایم ایز کی مدد کے لئے 20 کروڑ ڈالر مختص ہیں۔

جاری کردہ اعلامیے کے مطابق ولی عہد نے او آئی سی میں پاکستان کے اہم کردار کی بھی تعریف کی اور ساتھ ہی جنوبی ایشا میں امن و استحکام کے لئے اپنے کردار سے متعلق آگاہ بھی کیا۔

اعلامیے میں بتایا گیا کہ ولی عہد نے  متحدہ عرب امارات اور پاکستان کے درمیان تعلقات کو اہم قرار دیا ہے جبکہ مزاکرات میں توانائی اور صحت کے شعبوں میں سرمایہ کاری پر خصوصی طور پر تبادلہ خیال بھی کیا گیا ہے۔

ابوظہبی کے ولی عہد پاکستان پہنچ گئے

وزیراعظم نے اماراتی ولی عہد کو افغان امن عمل میں پاکستان کے کردار سے آگاہ کیا اور بتایا کہ پرامن خوشحال اور مستحکم افغانستان خطے اور پاکستان کے مفاد میں ہے، وزیراعظم نے ولی عہد کو مقبوضہ کشمیر میں غیر انسانی طویل لاک ڈاون سے متعلق بھی آگاہ کیا اور ملاقات میں بھارت میں مسلمانوں کے خلاف شہریت کے امتیازی قانون پر بھی تبادلہ خیال کیا گیا۔

اعلامیہ کے مطابق ولی عہد شہزادہ شیخ محمد بن زاید النہیان نے کہا ہے کہ متحدہ عرب امارات کی پاکستان میں مختلف شعبوں میں سرمایہ کاری کا خیر مقدم کرتے ہیں جبکہ وزیراعظم عمران خان نے اماراتی سرمایہ کاروں کو تمام سہولیات دینے کا یقین دلایا اور دو طرفہ اعلیٰ ترین دوروں اور دونوں ممالک کے تعلقات پر اطمینان کا اظہار بھی کیا گیا۔