الیکشن کمیشن نے بلاول بھٹو زرداری کو 14 جنوری کو طلب کرلیا ہے۔

ذرائع کے مطابق الیکشن کمیشن نے بلاول بھٹو کے خلاف کرپٹ پریکٹسز کے تحت کارروائی شروع کردی ہے۔

الیکشن کمیشن کی جانب سے بلاول بھٹو زرداری کو نوٹس جاری کردیا گیا ہے جس کے مطابق بلاول بھٹو کو 14 جنوری کو زاتی حیثیت میں یا بذریعہ وکیل پیش ہونے کا حکمم دیا گیا ہے

بلاول بھٹو کا نیب کے سامنے پیش ہونے سے انکار

ذرائع کا کہنا ہے کہ الیکشن کمیشن کی جانب سے بلاول بھٹو کے گوشواروں میں تضاد پر طلب کیا گیا ہے۔

واضح رہے کہ بلاول بھٹو زرداری کو متعدد مرتبہ گوشواروں میں تضاد دورکرنے کا موقعہ فراہم کیا گیا تھا جس پر بلاول بھٹو کی جانب سے الیکشن کمیشن کے دائرہ اختیار پر بھی اعتراض اٹھایا گیا تھا۔

چیئرمین پیپلزپارٹی بلاول نھٹو زرداری نے نیب کے سامنے پیش ہونے سے انکار کردیا تھا۔

بلاول جعلی اکاؤنٹ کیس کی تحقیقات میں 24 دسمبر کو نیب  طلب کئیے گئے تھے، انہیں زرداری گروپ آف کمپنیز سے 1 ارب 22کروڑ روپے کی جےوی اوپل منتقلی کا جواب دینا تھا۔

چئیرمین پی پی نے عدم پیشی پر ہی بہتری جانی  اور سوالنامے کا جواب بذریعہ وکیل بھجوادیا جبکہ چئیرمین پی پی کے کیل فاروق ایچ نائیک  نےموقف اختیار کیا  کہ یہ دو کمپنیوں کا معاملہ ہے، اس  لین سے بلاول بھٹو کا کوئی تعلق نہیں ہے۔

بلاول بذات خود نیب پر جانبداری کا الزام لگاتے رہے ہیں انکا کہنا ہے کہ وفاقی محتسب ادارہ صرف حزب اختلاف کو ہدف بناتا ہے۔

میڈیا سے بات چیت کرتے ہوئے انہوں نے کہا ہے کہ میں ایک قدم سیاست کا بڑہاتا ہوں تو جعلی میں کی طرف سے نوٹس آجاتے ہیں لیکن میرا سیاسی اصول اور نظریہ وہی ہیں اس سے پیچھے نہیں ہٹوں گا اور مجھے کیوں گرفتاری کا خدشہ ہوگا لیکن میری گرفتاری کے بعد میں ان کے لئیے آزاد سے زیادہ خطرناک ثابت ہوں گا۔