پاکستان کے سائنسدان ڈاکٹر عطاءالرحمن کو انٹرنیشنل ایوارڈ  مل گیا۔

تفصیلات کے مطابق کیمسٹری کے شعبے میں نمایاں خدمات انجام دینے کی وجہ سے پروفیسر ڈاکٹر عطا الرحمن کو سال 2020 کے لئے ’چین انٹرنیشنل سائنس اینڈ ٹکنالوجی آپریشن ایوارڈ‘ دیا گیا ہے۔

چین کے صدر شی جن پنگ نے ڈاکٹر عطاءالرحمن کو سائنس اینڈ ٹیکنالوجی آپریشن ایوارڈ دیا۔

خیال رہے کہ  سائنس اینڈ ٹیکنالوجی ایوارڈ چین کا سب سے بڑا ایوارڈ ہےجو غیر ملکی سائنس دانوں ، انجینئروں یا تنظیموں کو دیا گیا ہے۔

سرکاری ذرائع کے مطابق ڈاکٹر عطاءالرحمن کو کیمسٹری کے میدان میں ان کی نمایاں خدمات کے اعتراف میں انٹرنیشنل ایوارڈ دیا گیا ہے۔

چین کا پاکستانی سائنسدان کو اعلیٰ ترین سائنٹفک ایوارڈ دینے کا فیصلہ

اس سے قبل یہ ایوارڈ ڈاکٹر کارلو روبیا اور ڈاکٹر زورس الفیرو کو دیا جا چکا ہے۔

یہاں یہ امر قابل ذکر ہے کہ چین اور ملائشیا نے ان کی بین الاقوامی شہرت کے اعتراف میں ان کے نام پر بڑے تحقیقی مراکز بھی قائم کیے ہیں۔

ڈاکٹر عطاءالرحمن پاکستان کے ایسے سائنسدان ہیں جنہوں نے بہت سے ایوارڈ اپنے نام کئے ہیں۔

ڈاکٹر عطاءالرحمن کو سول ایوارڈز تمغہ امتیاز، ستارہ امتیاز، ہلال امتیاز اور سب سے بڑے قومی ایوارڈ نشان امتیاز سے نوازا گیا ہے۔

انہیں مختلف قومی اور بین الاقوامی ایوارڈز سے بھی نوازا گیا ہے۔

تاہم ، انہوں نے سائنس اور ٹکنالوجی کے وفاقی وزیر ، اور اعلی تعلیم کمیشن کے چیئرمین کی حیثیت سے بھی قوم کی خدمت کی ہے۔

انہوں نےکیمبرج یونیورسٹی سے نامیاتی کیمیا میں (1968) میں پی ایچ ڈی کی ڈگری حاصل کی تھی۔

ڈاکٹر عطاءالرحمن آٹھ یورپی کیمسٹری جلدوں کے چیف ایڈیٹر اور قدرتی مصنوعات کے معروف انسائیکلوپیڈک سیریز کے  ایڈیٹر ہیں ، جن کی 62 جلدیں ان کی مدیر شپ کے تحت شائع کی گئیں۔

واضح رہے کہ چین اور ملائیشیا نے سائنس کے میدان میں ان کی نمایاں خدمات کے اعتراف میں بڑے ریسرچ سنٹر ان کے نام سے منصوب کئے ہیں۔