وزیراعلیٰ پنجاب سردار عثمان بزدار نے  بعض شہروں میں آٹے کی قیمتوں میں بلاجواز اضافے کے حوالے سے میڈیا پر نشر ہونے والے خبروں کا سخت نوٹس لے لیا ۔

وزیراعلیٰ پنجاب سردار عثمان بزدار کی زیر صدارت وزیراعلیٰ آفس میں ہنگامی اجلاس ہوا ، اجلاس میں صوبے میں آٹے کی ڈیمانڈ و سپلائی اورقیمتوں کے حوالے سے جائزہ لیاگیا۔

فرائض سے غفلت برتنے اوربے ضابطگیوں میں ملوث محکمہ خوراک کے افسران کوفوری طورپر عہدوں سے ہٹانے کا حکم دیتے ہوئے کہا کہ آٹے کی قیمتوں میں بلاجواز اضافہ کسی صورت برداشت نہیں کروں گا

وزیراعلیٰ پنجاب سردار عثمان بزدارکے سخت احکامات پر محکمہ خوراک کاصوبہ بھر میں کریک ڈاؤن کرتے ہوئے 376فلورملوں کیخلاف کارروائی،9کروڑ 6لاکھ روپے جرمانہ،فرائض سے غفلت برتنے پر محکمہ خوراک کے افسروں کیخلاف ایکشن لے لیا ۔

وزیراعلیٰ پنجاب عثمان بزدار کی ہدایت پر فرائض سے غفلت برتنے اوربے ضابطگیوں میں ملوث محکمہ خوراک کے چار افسران ڈسٹرکٹ فود کنٹرولرگوجرانوالہ روحیل بٹ، ڈسٹرکٹ فوڈ کنٹرولر سیالکوٹ نصراللہ خان ندیم، ڈپٹی ڈائریکٹر محکمہ خوراک فیصل آبادکامران بشیر اور ڈسٹرکٹ فوڈ کنٹرولر وہاڑی صغیر احمد کو بھی عہدے سے ہٹا دیاگیا۔

وزیراعلیٰ پنجاب کی زیرصدارت اعلیٰ سطح کا اجلاس

 وزیراعلیٰ عثمان بزدار کی محکمہ خوراک میں مانیٹرنگ سیل قائم کرنے کی ہدایت کرتے ہوئے کہا کہ گندم اورآٹے کی سپلائی اورڈیمانڈکی سختی سے مانیٹرنگ کی جائے۔۔

عوام کو آٹے کی مقرر کردہ نرخوں پردستیابی یقینی بنائی جائے گی جبکہ سرکاری گندم کاآٹا اوپن مارکیٹ میں فروخت کرنے والی ملوں کو سیل کیا جائے گا۔

چکی مالکان کو آٹے کی قیمت میں اضافے کی اجازت نہیں دی جاسکتی، آٹے کی قیمت میں بلاجواز اضافہ کرنیوالوں کیخلاف قانون حرکت میں آئے گا۔

صوبے کے خارجی راستوں پر مانیٹرنگ کے نظام کو مزیدسخت کیا جائے کیونکہ آٹے کے نرخوں میں بلاجواز اضافے کے حوالے سے کسی سے کوئی رعایت نہیں ہوگی۔

چیف سیکرٹری،پرنسپل سیکرٹری وزیراعلیٰ، سیکرٹری خوراک، ڈائریکٹر فوڈ، سیکرٹری اطلاعات جبکہ صوبائی وزیر خوراک سمیع اللہ چوہدری بہاولپور سے ویڈیو لنک کے ذریعے اجلاس میں شریک ہوئے۔