پاک سر زمین پارٹی کے سربراہ مصطفی کمال نے کہا ہے کہ ملک میں مارشل لاء نہیں آنا چاہیئے تاہم حکومت کو چاہیئے کہ وہ عوام کو مضبوط کرے۔

تفصیلات کے مطابق پاک سر زمین پارٹی کے سربراہ مصطفی کمال نے میڈیا سے گفتگو کرتے ہوئے کہا ہے کہ نیب کرپشن ختم نہیں کر سکتی لوکل گورنمنٹ نظام بہتر ہو تو کرپشن میں کمی آئے گی اور لوکل گورنمنٹ کا مضمون ایسا ہے جس کو عملدرآمد کئے بغیر عوام کے حالات نہیں بدل سکتے ہیں۔

انہوں نے کہا کہ بدقسمتی سے پاکستان میں آج تک لوکل باڈی کا سسٹم ڈکٹیٹر لے کر آئے جبکہ جمہوری تنظیمیں یہ الیکشن ہی نہیں کرواتی سپریم کورٹ کے حکم پر کرواتی ہیں اور لوکل گورنمنٹ سسٹم صرف سندھ اور بلوچستان میں ہی نہیں ہے۔

ہر شعبے میں یہ حکومت مکمل فیل ہوگئی ہے،مصطفی کمال

مصطفی کمال کاا کہنا تھا کہ ایم۔کیو ایم اور پی پی پی  دونوں پارٹیز سندھ کے مسائل میں خود ایک مسئلہ ہیں، جس کو اپنے اخیتارات کا نہیں پتہ اسے اپنی سیٹ پر رہنے کا کوئی امکان نہیں۔

انہوں نے بتایا کہ آئین میں لوکل گورنمنٹ کے حوالے سے ترمیم ہونی چاییے کیونکہ ہر صوبہ اپنی طرف سے اس آئین کی تشریح کرتا ہے اور میئر کے اختیارات آئین میں لکھے جانے کی ضرورت ہے

انہوں نے مزید کہا کہ جیسے وفاق سے این ایف سی ایوارڈ دیا جاتا ہے ویسے  ہی صوبوں کو پی ایف سی ایوارڈ ملنا چاہیئیں تاکہ صوبائی حکومتوں کی حوصلہ افزائی ہو۔

اس سے قبل بھیچیئرمین پاک سرزمین پارٹی مصطفی کمال نے حیدرآباد میں میڈیا سے گفتگو کرتے ہوئے کہا کہ وزیر اعظم نے حیدرآباد یونیورسٹی کا شاندارافتتاح کیا،لیکن یہ نہیں پتا تھا کہ یونیورسٹی کی جگہ کہاں ہے یونیورسٹی کہاں بنے گی۔

چیئرمین پاک سرزمین پارٹی نے کہا کہ اب میں کسی سے مدد نہیں مانگ رہا، میں عوام سے مدد مانگ رہا ہوں کہ آپ میرا ساتھ دیں۔

مصطفی کمال نے یہ بھی کہا کہ پاکستان میں کوئی کام ٹھیک نہیں ہورہا، تمام اداروں میں کرپشن بڑھ گئی ہے، عوام ظلم کے خلاف نہیں اٹھتے اسی لیے حالات بہتر نہیں ہوتے، لوگوں کو ظلم کے خلاف کھڑا ہونا پڑے گا۔